ރިޒްނާ ބަލިކޮށް މާލެ ސިޓީ ކައުންސިލްގެ ހުޅުމާލޭ ދާއިރާގެ ފުރަތަމަ މެމްބަރަކަށް ޝުޖާ، މަރުޙަބާ!
މާލެ ސިޓީ ކައުންސިލްގެ ހުޅުމާލޭ ދާއިރާ ފުރަތަމަ މެމްބަރަކަށް ޕީޕަލްސް ނެޝަނަލް ކޮންގްރެސްގެ ނައިބު ރައީސް އަދި ބާރަށު ދާއިރާގެ ކުރީގެ މެމްބަރު އިބްރާހީމް ޝުޖާއު ހޮވިއްޖެއެވެ.
މިއަދު ކުރިއަށްދާ ލޯކަލް ކައުންސިލް އިންތިޚާބުގައި ޝުޖާޢުއާ ވާދަ ކުރީ މޯލްޑިވިއަން ޑިމޮކްރެޓިކް ޕާޓީގެ ކެނޑިޑޭޓް ، ރާއްޖެ ޓީވީގެ ޕްރެޒެންޓަރ ރިޒްނާ ޒަރީރެވެ.
މިހައި ތަނަށް އިއުލާން ކޮށްފައިވާ 2 ފޮށީގެ ނަތީޖާއަށް ބަލާއިރު ޝުޖާ ވަނީ 337 ވޯޓް ހޯދައިފައެވެ. މި ރިޒްނާ ޒަރީރަށް ލިބިފައި ވަނީ 103 ވޯޓެވެ. އިތުރު ފޮށިތަކުގެ ވޯޓްތައް ގުނަމުންދާއިރު އެ ފޮށިތަކުން ވެސް ޝުޖާއު އުޅުއްވަނީ ކުރީގައެވެ.
މި ނަތީޖާއަށް ބަލާއިރު ޝުޖާއު ވަނީ މަގާމު ކަށަވަރު ކޮށްފައެވެ. ޝުޖާއާއެކު އިދިކޮޅު ކޯލިޝަންގެ ލީޑަރޝިޕުން މި އިންތިޚާބުގައި ވާދަކުރެއްވި ޑރ.މުހައްމަދު މުޢިއްޒުއާ މުޙައްމަދު ނިމާލް ވެސް ވަނީ މަގާމު ކަށަވަރު ކޮށްފައެވެ. ޑރ.މުޢިއްޒު މާލޭގެ މޭޔަރުކަމަށް ހޮވިވަޑައިގެންނެވިއިރު ނިމާލް ހޮވިވަޑައިގަތީ މާލެއަތޮޅުގެ ރައީސްކަމަށެވެ.
Ads by STO
