އދ.އަތޮޅުގައި ގާސިމް ކުރަމުން އައި ރަސްކަން ވެސް ނިމުމަކަށް!

އދ.އަތޮޅު ރައީސްކަން ގާސިމް އިބްރާހީމްގެ ޖުމްހޫރީ ޕާޓީއަށް ގެއްލި ސިޔާސީ ގޮތުން އޭނާ ރަސްކަން ކުރަމުންދާ އދ.އަތޮޅުގެ ރަސްކަން ވެސް ނިމުމަކަށް އައިސްފިއެވެ.

Ads by Sosun Fihaara

އިއްޔެ ކުރިއަށް ދިޔަ ލޯކަލް ކައުންސިލް އިންތިޚާބުގައި އދ.އަތޮޅުގެ ރައީސްކަން ކާމިޔާބު ކުރުމާއި ގާތުގައި ވަނީ އެމްޑީޕީގެ ކެނޑިޑޭޓެވެ. އެގޮތުން ޖުމްހޫރީ ޕާޓީގެ ކެންޑިޑޭޓް މަޒްނީ މަޙްމޫދު ފަހަތަށް ޖައްސައިލައި، އެމްޑީޕީގެ ކެނޑިޑޭޓު ޢަލީ ނަސީރު (ޕެލޭ) މިވަނީ 693 ވޯޓު ހޯދައިފައެވެ. އެއީ 38.69 އިންސައްތަ ވޯޓެވެ.

ޖޭޕީގެ މަޒްނީ އަށް ލިބިފައިވަނީ 626ވޯޓެވެ. އެއީ 34.95 އިންސައްތަ ވޯޓެވެ.

އެމްޑީޕީއާއި ޖޭޕީގެ ކެންޑިޑޭޓުންގެ އިތުރުން އދ.އަތޮޅުގެ ރައީސް ކަމަށް ކުރިމަތިލައިފައި ވަނީ އިދިކޮޅު ޕީޕީއެމްގެ ކެންޑިޑޭޓް ޙަސަން ނާހްއެވެ. އޭނާއަށް ލިބިފައިވަނީ 472 ވޯޓެވެ. އެއީ 26.35 އިންސައްތައެވެ.