ނައިފަރުން 6 ގޮނޑި ޕީޕީއެމްއަށް، އެމްޑީޕީއަށް އެންމެ ގޮނޑިއެއް
އިއްޔެ ކުރިއަށް ދިޔަ ލޯކަލް ކައުންސިލް އިންތިޚާބުގައި ޅ،ނައިފަރުގެ ހަތް ގޮނޑީގެ ތެރެއިން އެންމެ ގޮނޑިއެއް ފިޔަވައި އެހެން ހުރިހާ ގޮނޑިއެއް ޕީޕީއެމްއިން ކާމިޔާބު ކޮށްފިއެވެ.
ނައިފަރުގެ ކައުންސިލްގެ ރައީސް ކަމަށް ހޮވިފައިވަނީ ޕީޕީއެމްގެ ކެނޑިޑޭޓް މުހައްމަދު ރަޝީދެވެ، އަދި މީގެ އިތުރުން އެ އަތޮޅުގެ ކައުންސިލްގެ ރައީސްކަން ވެސް ލިބިފައި ވަނީ ޕީޕީއެމްގެ ކެނޑިޑޭޓް ޔާސީން އަށެވެ.
އެ ރަށު ކައުންސިލަށް ދެން އިންތިޚާބުވީ ޕީޕީއެމްގެ ކެނޑިޑޭޓުން ކަމަށްވާ ސާޖިދާ މުހައްމަދާއި އަހްމަދު ސާޖިދު އާއި އަބްދުﷲ ހަސަން އާއި އައިޝަތު ހިނާ މުހައްމަދުގެ އިތުރުން މަރިޔަމް ލުހާއެވެ. ދެން ކުރީގައި އުޅޭ ކެނޑިޑޭޓަކީ އެމްޑީޕީގެ ޓިކެޓުގައި ވާދަކުރި އަހްމަދު ޝިފާއުއެވެ. ނަމަވެސް ޝިފާއު އާއި ޕީޕީއެމްގެ ކެނޑިޑޭޓް ހައްސާން އަލިފުޅާ ދެމެދު އޮތީ 5 ވަރަކަށް ވޯޓުގެ ތަފާތެވެ.
ނައިފަރަކީ ޒަމާނުންސުރެ ވެސް ޕީޕީއެމަށް ބޮޑު ތާއީދެއް އޮންނަ ރަށަކަށްވާއިރު ހުރިހާ އިންތިޚާބެއްގައި ވެސް އެރަށުގައި ކުރި ހޯދަނީ ޕީޕީއެމުންނެވެ.
