"ބާރުތައް ވަކިބައެއްގެ މުށުތެރެއަށް ލާކަށް ދިވެހިން ޖާގައެއް ނުދޭނެ"
ބާރު ވަކި ބައެއްގެ މުށުތެރެއަށް ލާކަށް ދިވެހިން ފުރުސަތެއް ނުދޭނެ ކަމަށް ކުރީގެ ރައީސް ޑރ. މުހައްމަދު ވަހީދު ހަސަން މަނިކު ވިދާޅުވެއްޖެއެވެ.
މިފަދައިން ވިދާޅުވެ ޑރ ވަހީދު މިއަދު ކުރެއްވި ޓުވީޓުގައި ވިދާޅުވެފައި ވަނީ، 2021 ވަނަ އަހަރުގެ ލޯކަލް ކައުންސިލް އިންތިޚާބުން ފެނިގެން ދިޔައީ، ދިވެހިންނަކީ އަނިޔާވެރި ބައެއްގެ މުށުތެރެއަށް ހުރިހާ ބާރުތަކެއް ލުމަށް ފުރުސަތު ދޭނެ ބައެއް ނޫން ކަމަށާއި މި އިންތިޚާބުގައި އިންތިޚާބުވި އެންމެހާ ބޭފުޅުން ވެސް މަސައްކަތް ކުރަން ވާނީ ގުޅިގެން ކަމަށެވެ.
2021 ވަނަ އަހަރުގެ ލޯކަލް ކައުންސިލް އިންތިޚާބަށް އިއްޔެ ވޯޓު ލެވިފައިވާއިރު، މާލޭގެ މޭޔަރު ކަމަށް ޑރ.މުޙައްމަދު މުޢިއްޒު ހޮވިވަޑައިގެންފައި ވަނީ ބޮޑު ތަފާތަކުންނެވެ. މިއީ ކައުންސިލްތައް އިންތިޚާބު ކުރަން ފެށިފަހުން އެމްޑީޕީއަށް މާލޭގެ މޭޔަރުކަން ގެއްލުނު ފުރަތަމަ ފަހަރުކަން ފާހަގަ ކޮށްލެވެއެވެ.
މަރުޙަބާ ތިޔަ ހޯއްދެވި ކާމިޔާބީ އަށް، ޑރ. ވަޙީދު. މިއީ ނާޗަރަންގީ މަރުކަޒު ބިނާ ކުރުމާ ދެކޮޅަށް ދިވެހި ސަރުކާރަށް ދިން ވަރުގަދަ މެސެޖެއް. ދެންވެސް އިސްލާމީ ރިވެތި އުސޫލުގައި ބުނާ ފަދަ ދިނީ ޝިޢާރު ތަކާ ނުކުޅެ ވޭތޯ ބަލާ. އަދިވެސް ވަޤުތު ފާއިތެއް ނުވޭ. މުހިއްމީ ޕާރޓީއެއް ނޫން. މުހިއްމީ މުސްލިމު ރައްޔިތުންގެ މުހުތާދު ތަކާއި ދީނުގެ ޝިޢަރު ތައް ދެމެހެއެްޓުން.