ނޮޅިވަރަމްގައި އެއްވެސް ޕާޓީއަކަށް ކުރި ނުހޯދުނު، ފަސް ގޮނޑި ފަސް ފިކުރަށް!
ހދ.ނޮޅިވަރަމް ކައުންސިލްގެ ފަސް ގޮނޑިއަށް އެކި ފިކުރުތަކުގެ ކެނޑިޑޭޓުން އިންތިހާބުވެވަޑައިގެންފިއެވެ.
އިއްޔެ ކުރިއަށް ދިޔަ ލޯކަލް ކައުންސިލް އިންތިޚާބުގެ ވަގުތީ ނަތީޖާ ދައްކާ ގޮތުގައި ނޮޅިވަރަމް ކައުންސިލްގެ ރައީސް ކަމުގެ މަގާމަށް އިންތިހާބު ވެފައިވަނީ އަދާލަތު ޕާޓީގެ ކެނޑިޑޭޓް ޔޫސުފް މޫސާއެވެ. އޭނާ މި ގޮނޑި ކާމިޔާބު ކުރީ ޖޭޕީގެ ކެނޑިޑޭޓް ހުސެއިން އަސްލަމާއި ޕީޕީއެމްގެ ކެނޑިޑޭޓް އިބްރާހިމް ނާސިރާ ވާދަކޮށެވެ.
ރަށު ކައުންސިލްގެ މެންބަރުކަމުގެ ދެ ގޮނޑީގެ ތެރެއިން އެއް ގޮނޑި އަމިއްލަ މެންބަރަކު ކާމިޔާބު ކުރެެއްވި އިރު ދެން ހޮވުނީ އެމްޑީޕީގެ ކެނޑިޑޭޓެކެވެ. އަންހެނުންނަށް ޚާއްސަ ގޮނޑިތަކަށް އިންތިޚާބުވީ ޕީޕީއެމްގެ ކެނޑިޑޭޓް އާސިމާ މުހައްމަދާއި އެމްއާރުއެމްގެ ކެނޑިޑޭޓް ނިޔާޝާ ޢަލީއެވެ. އެ ދެ ބޭފުޅުންނާ ވާދަ ކުރެއްވީ ޖުމްހޫރީ ޕާޓީގެ މަރިޔަމް ނާޒިމާ އާއި އަމިއްލަ ކެނޑިޑޭޓް ޖުމާނާ އުސްމާނާއި ފާތުމަތު އަހްމަދާއި ނަޒްލީނާ ހަސަނާއި ސިއުނާ މުހައްމަދެވެ.
Ads by STO
