ރައީސް މައުމޫނަށް ދެހާހެއްހާ ވޯޓު ލިބުނަސް އަދިވެސް ކަންބޮޑުވާނެ: ރައީސް ނަޝީދު
އިއްޔެ ބޭއްވި ލޯކަލް ކައުންސިލު އިންތިހާބުގެ ނަތީޖާގައި ކުރީގެ ރައީސް މައުމޫން ޢަބްދުލްޤައްޔޫމަށް 2000އެއްހާ ވޯޓު ލިބުނަސް އަދިވެސް ކަންބޮޑުވެލައްވާނެ ކަމަށް ކުރީގެ ރައީސް އަދި މިހާރުގެ ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އިންތިހާބާ ގުޅޭ ގޮތުން އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ނޫސްވެރިއަކު ކުރި ސުވާލަކަށް ޖަވާބު ދެއްވަމުން ރައީސް ނަޝީދު ވިދާޅުވީ ރައީސް މައުމޫނަށް މާލެ ތެރެއިން ވޯޓު ލިބިވަޑައިގެންފިނަމަ އަދިވެސް އެމަނިކުފާނު ކަންބޮޑުވެ ވަޑައިގަންނަވާނެ ކަމަށެވެ.
"މާލެ ތެރެއިން ރައީސް މައުމޫނަށް 2000އެއްހާ ވޯޓު ލިބުނަސް އަޅުގަނޑު ކަންބޮޑުވާނެ. މިފަހަރުވެސް އެ ބޭފުޅާ ބައިވެރިވެ ވަޑައިގެންނެވި އޭގެ ސަބަބުން އަޅުގަނޑުމެންނަށް ގެއްލުންވެސް ވި އެހެން ނަމަވެސް އެބޭފުޅާއަށްވީ ފައިދާއެއް ވެސް ނެތް" ރައީސް ނަޝީދު ވިދާޅުވިއެވެ.
މީގެ އިތުރުން ރައީސް ނަޝީދު ވިދާޅުވީ މިފަހަރުގެ އިންތިހާބުން އެމްޑީޕީ ނާކާމިޔާބުވީ އެ ޕާޓީ ތެރޭގައި ހުރި މައްސަލަތަކުގެ ސަބަބުން ކަމަށް ޤަބޫލު ކުރައްވާ ކަމަށެވެ. އަދި އޭގެ ސަބަބަކީ ކޮރަޕްޝަން ކަމަށް ވެސް ރައީސް ނަޝީދު ވިދާޅުވިއެވެ.
ކޮރަޕްސަންގެ ވަގު ހައްޔަރު ކުރީ ރައްޔިތުން ބަޑަށްޖެހުނީ ކޮވިޑް އަތްދޮއްވީ ވިޔަފާތިތައް ހުއްޓުނީ ޑޮލަރ ގެއްލެނީ ސިގިރެޓް އަގު ނޮޑުވީ ތަކެތީގެ އަގު ބޮޑުކުރީ ބަދޭސީން ގައުމަށް ގަދަވަނީ ބިންތައް ފަޅު ގިރި ފަޅުރަށްތަށް ގެއްލެނީ އިސްޓިކާ ގިނަވީ ޓޯކްކުރުން ގިނަވީ ރޜޕްކޭސް ގިނަވީ އެއްޖިންސުން ގުޅުން ގިނަވީ ވައްކަން އިތުރުވީ މިސްކިތްތައް ބަންދު ކުރީ ރޭގަޑުވީމަ ކޮވިޑް އަރަނީ މައުމޫނަށް ދެހާސް ލިބުނީމަ ކަންބޮޑުވީ މިންވަރަށް އީމާންވާންވީ ތިމާއަށް ލިބެއްހުރި އެއްޗެއް އެހެން މީހަކަށް ނުދެއްވާނެ ހަދާންކުރޭ