މާލޭގެ އިންތިޚާބީ މޭޔަރަށް ބެއިޖިންގުން މަރުޙަބާ ވިދާޅުވެއްޖެ
މިދިޔަ ހޮނިހިރު ދުވަހު ބޭއްވި ލޯކަލް ކައުންސިލް އިންތިޚާބުގައި މާލޭގެ މޭޔަރުކަމަށް އިންތިޚާބުވެވަޑައިގެންނެވި ޕީޕީއެމްގެ ނައިބު ރައީސް ޑރ.މުޙައްމަދު މުޢިއްޒަށް ޗައިނާއިން މަރުޙަބާ ވިދާޅުވެއްޖެއެވެ.
ޚަބަރު ލިބިފައިވާ ގޮތުގައި ޗައިނާއިން މުއިއްޒަށް މަރުޙަބާ ވިދާޅުވީ އެ ގައުމުގެ އެމްބަސީ ހިންގުމާ ހަވާލުވެ ހުންނެވި ޔޫ ޒުއެންގެވެ. މަރުޙަބާ ދެންނެވުމަށް ޔޫ ، މުއިއްޒަށް ފޯން ކުރައްވާ ދެއްކެވި ވާހަކަފުޅުގައި ދެ ފަރާތް ގުޅިގެން މަސައްކަތް ކުރުމަށް ވާހަކަ ދެކެވުނު ކަމަށް ވެސް މަޢުލޫމާތު ލިބިފައި ވެއެވެ.
ޑރ.މުޢިއްޒު މޭޔަރު ކަމަށް އިންތިޚާބުވެ ވަޑައިގަތީ އޭނާއާ ވާދަ ކުރެއްވި އެމްޑީޕީގެ ކެނޑިޑޭޓް އަނަސް އަބްދުއްސައްތާރު ބަލިކުރައްވާފައެވެ. މުޢިއްޒު ވަނީ ވޯޓްލީ މީހުންގެ 62 އިންސައްތަ ވޯޓް ހޯއްދަވައިފައެވެ. އެ މަނިކުފާނަށް 12447 ވޯޓް ލިބިވަޑައިގެންނެވިއިރު އަނަސްއަށް ލިބިވަޑައިގަތީ 7413 ވޯޓެވެ.
ރީތިކޮށް ގުޅިގެން މަސައްކަތް ކުރުމަށް އެބަ ތައްޔާރު ކުރޭ އިގޭ.. ބަލަންތިބޭތި