ބިދޭސީ މަސައްކަތްތެރިޔާ ކޮއްކޮއަށް ދިން ހަދިޔާ، މުޅި މީސްމީޑިއާގައި ތައުރީފް އޮހެނީ
އަޅުގަނޑުމެންނާ ބައްދަލު ކޮށްފައި މިވާ މާތް، ބަރަކާތްތެރި މައްސަރަކީ އެކަކު އަނެކަކަށް އެހީތެރިވުމުގެ މައްސަރެކެވެ. އެކަކު އަނެކަކަށް ވާގިވެރިވެ އެކަކު އަނެކަކަށް ވީ ވަރަކުން މަދަދުވެރިވާންވީ މަހެކެވެ. އަހަރެމެން ދިވެހީންނަކީ ހަމަ ގައިމުވެސް ވަރަށް އެއްބައިވަންތަ ބައެކެވެ. މިހާރު ވެސް އަހަރެމެންގެ ތެރެއިން މީހަކަށް ކަމެއް ވެއްޖެ ނަމަ އެހީތެރިކަމުގެ އަތްތައް އެކި ދިމަދިމާއިން ދިއްކޮށްލައެވެ. އެހެން ނަމަވެސް އެކަން މަދުވެއްޖެއޭ ބުނެވިދާނެއެވެ. ދިވެހީންގެ އެއްބައިވަންތަކަމާއި އެކަކު އަނެކަކަށް އެހީވުން މަދުވެއްޖެއޭ ބުނެވިދާނެއެވެ.
މި ޒަމާނަކީ އެދުމެއް ނެތި އެކަކު ވެސް ވެދުމެއް ކުރާނެ ޒަމާނެއް ކަމުގައި ބުނެ އުޅެއެވެ. ނަމަވެސް އެއީ މުޅިން ރަނގަޅު ވާހަކައެއް ނޫންކަން މިއަދު އަހަންނަށް ވިސްނިއްޖެއެވެ. މީސްމީޑިއާއިން ފެނުނު ވީޑިއޯއެއްގެ ސަބަބުންނެވެ. އެ ވީޑިއޯ ފެނި އެ ވީޑިއޯއަށް ތައުރީފް ކުރީ އަހަރެން އެކަންޏެއް ނޫނެވެ. މީސްމީޑިއާގައި އުޅޭ އެތައް ދިވެހީންނެއް އެ ވީޑިއޯއަށް އެބަ ތައުރީފް ކުރެއެވެ. މިހާރު ހިތުގައި އުފެދޭ ސުވާލަކީ މިދައްކަނީ ކޮން ވީޑިއޯއެއްގެ ވާހަކައެއް ހެއްޔޭ ދޯއެވެ.
ދިގު ވީޑިއޯއެއް ނޫނެވެ. އެންމެ 15 ސިކުންތުގެ ކުރުކުރު ވީޑިއޯ ކޮޅެކެވެ. އެހެން ނަމަވެސް ކިޔައިދެނީ "ލައްކަ" ވާހަކައެވެ. އުނގަންނައިދެނީ މިލިއަން ފިލާވަޅެވެ. ބިދޭސީ މަސައްކަތްތެރިއަކު ކުޑަކުޑަ "ކޮއްކޮ'އަކަށް އެކި ކަހަލަ މޭވާގެ ބާވަތްތައް ހިމެނޭ ކޮތަޅެއް ދޭ މަންޒަރެވެ. އެ ކޮއްކޮގެ މޫނުމައްޗަށް ހިނިތުންވުން ގެނުވި "ރޯދަ ހަދިޔާ"އެއް އެ މަސައްކަތްތެރިޔާ ދިން މަންޒަރެވެ.
އެ ކުޑަކުޑަ ކުއްޖާއަށް، އެ ބިދޭސީ މަސައްކަތްތެރިޔާއަށް ކޮށްދެވޭނެ މާ ބޮޑު ކަމެއް އޮންނާނެ ހެންނެއް އަހަރެންނަކަށް ހިޔެއް ނުވެއެވެ. އެދުމެއް ނެތި ވެދުމެއް އަހަރެމެން ގިނަ ދިވެހީން ނުކުރާ ޒަމާނުގައި، މި ބިދޭސީ މަސައްކަތްތެރިޔާ ވެދުން މިކުރީ އެދުމެއް ނެތިއެވެ.
އެއީ ދިވެއްސެއް ނޫނެވެ. ބަންގްލަދޭޝް މީހެކެވެ. ގޭ ކުރިމަތީގައި ހަދަމުންދިޔަ ގެއެއްގައި މަސައްކަތްކުރާ ބޭރު މީހެކެވެ. ފެނިދެނިވެ ކޮއްކޮއާ ރައްޓެހި ބޭބެއެކެވެ.ރޯދަ ހަދިޔާއެއްގެ ގޮތުގައި އޭނާއަށް ލިބުނު އެކިކަހަލަ މޭވާގެ ބާވަތްތައް ހަދިޔާ ކުރީއެވެ.
ފޭސްބުކުގައި މި ޕޯސްޓު ކޮށްފައިވާ މީހާ ލިޔެފައި ވަނީ މިހެންނެވެ. މި ޕޯސްޓު ގިނަ ބަޔަކު ޝެއަރ ކޮށްފައިވާއިރު އެތައް ބަޔަކު އަންނަނީ އެ ބިދޭސީ މީހާއަށް ހެޔޮ ދުއާކޮށް ތައުރީފް ކުރަމުންނެވެ.
މާތްﷲ އެ ބިދޭސީ މަސައްކަތްތެރިޔާއަށް ހެޔޮ ޖަޒާ ދެއްވާށިއެވެ. އާމީން!
ހަމްދުލިއްލާހި. ތިޔަ ވީޑީޔޯ ބަލާފަ އަނެއްކާ އެހެން އެއްޗެކޭ ކިޔައިގެން ވާހަކަތަށް ނުފަތުރައިފިއްޔާ ކިތަ
ންމެހާ ވެސް ރަނަގޅު
ތިބޭޅާއަށް ކިހިނެއްތޯ އެގެނީ އެދުމެއްނެތި ކަން ވެދުމެއް ކުރީ. ރޯދަމަސް ވީމަ މީހުންގެ ހިތުގަ އޮންނައެތި އެގޭހިސާބައް ނޫސްވެރިޔާގެ އމަލުތަށް އުފުއްލެވީތޯ.
ކަލޯ މީހަކަށް ހެޔޮކަމެއް ނުކޮށްދެވޭތާނގައި އެހެންމީހުން ކޮށްދޭކަންތަކަަށް ފާޑުކިޔާތި
މިކަހަލަ ނެގެޓިވް މައިންޑެޑް ގަމާރުންނާހެދި ގައުމު ފަސާދަވަނީ
ރަގަޅަށްތިބުނީ
ހާދަ ސުކުރު ކުރަން ވެސް ނުދަންނަ ބަޅެކޭ ތީ
ކޮއްކޮމެންނޭ… ހާސްކަނޑާލާ… ދެންބޭބެ ބޮޑުވަޒީރުކަން ލިބިބޮޑުގޮނޑީގައި ވެޑުވުނީމާ ތިޔަކަންކަން އަދިއިތުރުވާނެ..
މީ ސޮޕް ޑެލިވަރީ ކުރަން އުޅޭ މަސައްކަތުމީހާ ހުޔޮކަމެއްވާނީ ހެޔޮކަމަކައް