ދޯންޏެއްގައި ރޯވެ ދެމީހަކަށް އަނިޔާވެއްޖެ

ކ.ކުޑަ ވިލިނގިލި ރިސޯޓް ކައިރީގައި އޮތް ދޯންޏެއްގައި ހިނގި އަލިފާނުގެ ހާދިސާއެއްގައި ދެ މީހަކަށް އަނިޔާވެއްޖެއެވެ.

Ads by MWSC

އެމްއެންޑީއެފުން ވިދާޅުވީ ކުޑަވިލިނގިލި ކައިރީގައި އޮތް ދޯންޏެއް އަލިފާނުގެ ހާދިސާއެއް ހިނގައިގެން އެމްއެންޑީއެފްގެ ފަޔަރ އެންޑް ރެސްކިއު ޓީމުން އެ ސަރަހައްދުގައި ހަރަކާތްތެރިވާން ފަށައިފައިވާ ކަމަށެވެ. އަދި ދޯނީގައި ތިބި ހަތަރު މީހުންގެ ތެރެއިން ދެމީހަކަށް އަނިޔާވެފައިވާ ކަމަށް ވެސް އެމްއެންޑީއެފުން ވިދާޅުވެއެވެ.

އަނިޔާވެފައިވާ ދެމީހުން ވެސް ތުލުސްދުއަށް ގެންދެވިފައިވާ ކަމަށް އެމްއެންޑީއެފުން ވިދާޅުވެއެވެ. އަނިޔާވެފައި ވަނީ ދިވެއްސަކަށާއި ބިދޭސީއަކަށެވެ.

އެމްއެންޑީއެފުން އިތުރަށް ވިދާޅުވީ މި ހާދިސާގެ ރިޕޯޓް ލިބިފައިވަނީ މިރޭ މެންދަމު 03:23ހާއިރު ކަމަށެވެ.