ބީއެމްއެލްއިން ކަމަށް ބުނެ މަކަރާ ހީލަތުން ފޭރިގަތީ ޒަރޫރީ ބޭނުންތަކަށް ބަހައްޓާފައި ހުރި ފައިސާކޮޅު!
މަކަރާ ހީލަތުން މީހުންނަށް ފޯނު ކޯލުތައް ކޮށްގެން، ފައިސާ ފޭރެން މަސައްކަތް ކުރާ މީހުން ގިނައެވެ. ބޭންކް އޮފް މޯލްޑިވްސްއިން ކަމަށް ބުނެ މީހުންގެ ލޮލުގައި އަނދުން އަޅުވާފައި، އެކައުންޓުގެ މައުލޫމާތުތައް ހޯދުމަށް ފަހު އެފަދަ މީހުން އެހެން މީހުންގެ އެކައުންޓުގައި ހުންނަ ފައިސާކޮޅު ފޭރިގަނެއެވެ. މިފަދަ ކަންކަމަށް ސަމާލުވުމަށް ބީއެމްއެލްއިން ވަނީ އެތައް ފަހަރަކު ނަސޭޙަތްތެރި ވެފައެވެ. އަދި އެ ބޭންކުން އެއްވެސް ކަސްޓަމަރެއްގެ ނުވަތަ ކަސްޓަމަރުގެ އެކައުންޓުގެ މައުލޫމާތު ހޯދަން ނުގުޅާނެ ކަމަށް ވެސް އެތައް ފަހަރެއްގެ މަތިން ވަނީ ބުނެފައެވެ.
އަނެއްކާ ވެސް މިވަނީ އެފަދަ ބައެއްގެ މަކަރާ ހީލަތުގެ ދަލުގައި އާއިލާއެއް ޖެހި ބިކަވެފައެވެ. މި ބަރަކާތްތެރި މައްސަރުގައި ބަޔަކު މިވަނީ، އެއް މަހުގެ ތުއްތު ކުއްޖެއްގެ މަންމައެއް ކަމަށްވާ "ވަސްމާ"ގެ އަތުން ފައިސާ ފޭރިގެންފައެވެ.
ވަސްމާއާއި އޭނަގެ ފިރިމީހާ މަސައްކަތް ކޮށްގެން، ގޭގެ ކުއްޔާއި އެއްޗެހި ދެއްކުމަށްފަހު، އަމިއްލަ ބޭނުންތައް ކުރުމަށް އޮންނަނީ އެންމެ 1500 ރުފިޔާއެވެ. މި އޭޕްރިލް މަހުގެ 17 ވަނަ ދުވަހު އެމީހުން އަތުގައި އޮތީ އެންމެ 1000 ރުފިޔާކަން ވަނީ އެނގިފައެވެ. ދަރިފުޅަށް ބޭނުންވާނެ ތަކެތި ގަތުމަށާއި އެހެނިހެން ބޭނުންތަކަށް އެ ފައިސާކޮޅުން ނުވާނެތީ، ވަސްމާ ވަނީ އާއިލާ މީހެއް އަތުން (މަސް ނިމުނީމަ ދައްކާ ގޮތަށް) 2000 ރުފިޔާ ދަރަންޏަށް ނަގައިފައެވެ.
މި މަހުގެ 22 ވަނަ ދުވަހު، ބީއެމްއެލްގެ ފަރާތުން ކަމަށް ބުނެ ވަސްމާއަށް އެ ކެހިވެރި ކޯލު އައެވެ. ސަލާން ގޮވައިލުމަށް ފަހު އެ މީހަކު ބުނީ ދިއްފުށިން 5 ކަސްޓަމަރަކާއި މާލެއިން 5 ކަސްޓަމަރެއްގެ އެކައުންޓަށް ދާން ނުޖެހޭ ޓްރާންސެކްޝަންތަކެއް ގޮސްގެން އުޅޭ ކަމަށެވެ. އެއަށްފަހު އެތައް ވާހަކަތަކެއް ދެއްކުމަށްފަހު މެއިލްއަށް ގޮސްފައިވާ ކޯޑު ކިޔައި ދިނުމަށް އެދުނެވެ. ދެން ވަސްމާ އެކޯޑް ބުނުމުން ކުޑަވަގުތު ކޮޅަކުން ގުޅާނެކަމަށް ބުނެފައި ފޭރޭ މީހާ ފޯނު ބޭއްވިއެވެ.
ވީ ގޮތެއް ނޭނގި ގެއަށް އައިސް، ދަރިފުޅު ރޯތީ ވަސްމާ ނުކުތީ ޔޯގަޓް ތައްޓެއް ގަންނާށެވެ. އަނެއްކާވެސް ވަސްމާއަށް ހަމަ އެ ކޯލު އައެވެ. އަދި އެ މީހާ ބުނީ، ވަސްމާގެ އެކައުންޓުގައި ހުރި ފައިސާ މިހާރު އެހެން އެކައުންޓަކަށް ޖަމާ ކުރެވިފައިވާ ކަމަށާއި ކޭޝްކާޑު ބޭނުން ނުކުރުމަށެވެ.
ވަސްމާއަށް ޝައްކެއް ވެގެން އަވަހަށް އެކައުންޓު ބެލިއިރު، މުޅި އެކައުންޓު އެއްކޮށް ވަނީ ހުސްކޮށްލައިފައެވެ. އެ ނަންބަރަށް ގުޅައިފައި، އެއީ މި މަހު އެ ދެމަފިރިންނާއި ތުއްތު ދަރިފުޅު ޚަރަދު ކުރަން ހުރި ފައިސާ ކަމަށާއި، ފައިސާތައް އަނބުރާ ރައްދު ކޮށްދިނުމަށް އެދި ވަސްމާ އާދޭސް ކުރިއެވެ.
ނަމަވެސް މަކަރުވެރިޔާއަކީ ހިލަ ހިތެއްގެ ވެރިއެކެވެ. ހީލަތްތެރި ހިނިގަނޑުތަކެއް ޖަހާލުމަށް ފަހު އެ މީހާ ބުނީ "ކަލޭމެންގެ ކައިރީގައި ބޭންކުން އަބަދުވެސް އެ ކިޔަނީ މިކަހަލަ ފޯނުތަކަށް ޖަވާބު ނުދޭށޭ" މިހެންނެވެ. އަދި އެއީ ވަސްމާ އޭނައަށް ދިން ހަދިޔާއެއް ކަމަށް ބުނެ، އެ ފައިސާ އަނބުރާ ނުދޭނެ ކަމަށް ވެސް ބުންޏެވެ.
"ވީޑިއޯ ކޯލެއް ކޮށްފަ ދަރިފުޅު ދައްކާފައި، ފިހާރައަށް ވަދެ ބޭނުން އެއްޗެއް ނަގާފައި، އަރާވަރު ބުނީމަ އެ އެއްޗަކަށް ފައިސާ ދައްކައިދީފާނަން. މިއީ ކަލޭގެ މޮޔަކަމުން ވީ ކަމެއް" ކުރެވުނު ނުބައި ކަންތަކާމެދު ފަޚުރުވެރިވެހުރެ އެ މީހާ ބުންޏެވެ.
އެ މީހާއަށް ވަސްމާއަށް ދެވުނު ކެހިވެރިކަން ކުޑަވެގެން، 10،000 ރުފިޔާ ވަސްމާގެ އެކައުންޓަށް ޖަމާކޮށްފައިވާ ކަމަށް ބުނެ ފޭކު ސްލިޕެއް ވެސް ވަނީ ފޮނުވައިފައެވެ.
މިފަދައިން ފައިސާ ފޭރޭ މީހުން އިންތިހާއަށް އިތުރުވެފައިވާއިރު، މިކަމުގެ ފަހަތުގައިވާ ބަޔަކު އަދި އަދަށް ވެސް ރާއްޖޭގެ އެއްވެސް މުއައްސަސާއަކަށް ހޯދިފައެއް ނުވެއެވެ.
ދިވެހިި ފުލުހުންނާއިި ބޭންކާއިި ރާއްޖޭގެ ދެޓެލެކޮމްް އާއިި ކަރެކްޝަނަލްް ސަރވިސްް އަދިި ރައްޔިތުންް މަޖުލިސްް ލަދުގަންނަންޖެހޭޭ ކަލޭމެންް މިކަންް ހުއްޓުވަންް އެވެއަރކުރިއަސްް އެއްމެނަކީީ ހޭޖެހޭޭ ބައެއްް ނޫންް މިކަންކުރާާ ބައެއްް ހޯދާާ އަދަބުދީގެންް މިކަންް ހުއްޓުވޭނ!!!
ކިހާވަރަކަށްތަ އެކިޔަނީ ބެންކް އިން ނުގުޅަނެޔޭ، އަބަދު އެތިބެނީ ހޭލުންތެރި ކޮށްކޮށް، އެކަމުވެސް ދިވެހިން ހަމަ ދިވެހިންގެ ގަމާރު ކަމުގަ!!!
ހަމަަ ބޭންކުންް ގުޅަނީި. އެެ މީހުންް ކިތައްމެެ ވަރަކަށްް މީހުންގެެ ލޮލުގަަ އަދުންް އެޅުވިޔަސްް އެެ ހަމަަ ސާފުކަމެއްް. މީި ވަރަށްް ވާހަކަ
ބޭންކަށް މިފާޑުގެ ޓްރާންސެކްޝަންތަށް ޓްރޭސް ކޮށް މައްސަލަ ފުލުހުން މެދުވެރިކޮށް ބެލޭނެ. މީ ދެކޮޅުޖެހޭ ލިޔުމެއްނޫން.
ޢެންމެ މިޒަމާނުގެ ސްމާރޓް ފޯނެއް އަތަށްލައިގެން އުޅޭ ބަޔެއް މީހުން ބޭންކުން ފޮނުވާ މެސެޖް ތަކެއް ނުބަލާނެ. ޢިސްތިހާރުވެސް ކުރަނީ މަދެއް ކޮށް ނޫން. ކިހާ ދެކަމެއް ތިވީ
ލާރިއ ކިޔައިފިއްޔާ ހޭބަލިވެފަތިބެނީ އެހެންވީމަ ވާގޮތް
ތިކަން ކުރާމީހުން އެނގޭނެ . ބޭންކު އެކައުންޓަށް ފައިސާ ދާއިރު ނޭގި ހުންނާނެތަ. ގުޅާ މޯބައިލް ނަމްބަރ ވެސް އެނގޭނެ. ލޮކޭސަން ބެލޭނެ ބޭނުމިއްޔާ. ތިކަމުގައި ބޭންކާއި ފުލުހުންގެ އިހުމާލު ބޮޑު. ކުރަނީ ބާރު ހުންނަމީހުން . ފުލުހުންވެސް ބޭންކުވެސް ނުކުޅެދިފައިވަނީ.