ރައީސް ނަޝީދަށް ހަމަލަ ދިނުމާ ގުޅިގެން އެމްޑީޕީގެ އިންތިޚާބު ފަސްކޮށްފި
މިމަހުގެ ހަވަނަ ދުވަހުގެ ރޭ ރައީސް މުޙައްމަދު ނަޝީދަށް ދިން ނިރުބަވެރި ހަމަލައާ ގުޅިގެން ، އެމްޑީޕީގެ ގައުީ މަޖިލީހުގެ އިންތިޚާބު ފަސްކޮށްފިއެވެ.
އެ ޕާޓީން ނެރުނު ބަޔާނެއްގައި ބުނީ ، ޕާޓީގެ ރައީސް، ރައީސް މުޙަންމަދު ނަޝީދުގެ ފުރާނަފުޅު ދުއްވާލުމަށް ނުރައްކާތެރި ޓެރަރިސްޓް ހަމަލާއެއްދީ، އެމަނިކުފާނުގެ ޙާލުކޮޅު ސީރިއަސްވެ، އެމަނިކުފާނަށް ފަރުވާދެމުން ގެންދާ މިވަގުތުގައި އިންތިޚާބު ބޭއްވުމުގެ މަސައްކަތައިގެން ކުރިއަށް ގޮސް އިންތިޚާބު ބޭއްވުމަށް ހަމަޖެހިފައިވާ ތާރީޚުގައި އެ އިންތިޚާބު ބޭއްވުމަކީ ރަނގަޅު ކަމެއް ކަމަށް ނުފެންނަ ކަމަށާއި އެހެންވެ އިންތިޚާބު ފަސްކޮށްފައިވާ ކަމަށެވެ.
މި މަހުގެ 29 ވަނަ ދުވަހު ބޭއްވުމަށް ތާވަލް ކުރި މި އިންތިޚާބު ފަސްކުރި ނަމަވެސް އިންތިޚާބު ބާއްވާނެ ތާރީޚެއް އަދި އިޢުލާން ކޮށްފައެއް ނުވެއެވެ. އެމްޑީޕީން ބުނެފައި ވަނީ ކުރިއަށް އޮތް 10 ދުވަސްތެރޭގައި އެ ތާރީޚް އިޢުލާން ކުރާނެ ކަމަށާއި މިހާރު ވެސް އިންތިޚާބާ ގުޅޭ އިދާރީ މަސައްކަތް ކުރިއަށް ގެންދާ ކަމަށެވެ.
ރައީސް ނަޝީދަށް އަމާޒުކޮށް ދިން ހަމަލާގައި އެ މަނިކުފާނު ވަރަށް ބޮޑަށް ޒަޚަމްވުމާއެކު ރައީސް ޞާލިޙް ވެސް ވަނީ އިންތިޚާބު ފަސްކުރަން އެދިވަޑައިގެންފައެވެ. އެމްޑީޕީގެ ގައުމީ މަޖިލީހުގައި އެ ކަމަށް އެދިވަޑައިގަންނަމުން ރައީސް ޞާލިޙް ވިދާޅުވީ މި ހާލަތުގައި އިންތިޚާބު ފަސްކުރުމަކީ މުހިންމު ކަމެއްކަމަށް ދެކިވަޑައިގަންނަވާ ކަމަށެވެ.
އަސްލު ރައްޔިތުންގެ މަޖިލީހުގެ ދިދަ ދަނޑިއަށް ގައުމީ ދިދައިގެ އިތުރުން ކަޅު ދިދައެއް ނަފަންޖެހޭ މިހިތާމާގައި