ރައީސް ވަހީދަށް ކާޅަށް ގޮވީ ކާޅެއްހެން ވެރިކަން ޖަހައިގަތީމަ: ވައްޑޭ
ރައީސް ޑރ.މުޙައްމަދު ވަހީދަށް ކާޅަށް ގޮވުނީތީ ހިތާމަ ކުރައްވާ ކަމަށާއި ނަމަވެސް އެގޮތަށް ގޮވީ، ރައްޔިތުންގެ ވެރިކަމެއް 'ކާޅެއްހެން' ބަޣާވާތަކުން ޖަހައިގަތުމުން ކަމަށް އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑޭ) ވިދާޅުވެއްޖެއެވެ.
މިއަދު ވައްޑެ ކުރެއްވި ޓްވީޓެއްގައި ރައީސް ވަހީދަށް ކާޅަށް ގޮވުނީތީ ހިތާމަ ކުރައްވާކަން ހާމަކުރެއްވި ނަމަވެސް ރައީސް ވަހީދު ކިބައިން މާފަށް އެދިވަޑައިގެންފައެއް ނުވެއެވެ. ބަދަލުގައި ކާޅަށް ގޮވި ސަބަބު ހާމަކޮށްދެއްވަމުން ވިދާޅުވީ ވަހީދުގެ ބޭފުޅުން އެކަން ހަނދުމަފުޅު ނައްތާލައިގެން ނުވާނެ ކަމަށެވެ.
ވައްޑެ ރައީސް ވަހީދަށް ނިސްބަތްކޮށް ލިޔުއްވާފައި އޮތީ "ބީ ވަހީދު" އެވެ. ބެލެވޭ ގޮތުގައި އެއީ "ބާޣީ ވަހީދު" އެވެ.
ވައްޑެ މި މޭރުމުން ޓްވީޓް ކުރައްވާފައި މި ވަނީ ރައީސް ވަހީދަށް ކާޅަށް ގޮވައި، 2012 ވަނަ އަހަރު ވައްޑޭ ކުރައްވާފައިވާ ޓްވީޓްތަކުގެ ސްކްރީންޝޮޓްތައް އަލުން ދައުރުވާން ފެށުމުންނެވެ. މި ސްކްރީޓްޝޮޓްތައް ދައުރުވާން ފަށައިފައި ވަނީ، ވަކިވަކި ފަރުދުންނާ މެދު ނަފުރަތު އުފައްދާ ފަރާތްތަކަށް ފިޔަވަޅު އެޅުމަށް ގޮވާލައި، ގަލޮޅު ދެކުނު ދާއިރާގެ އެމްޑީޕީ މެމްބަރު މީކާއިލް އަހްމަދު ނަސީމް ކުއްލި މައްސަލައެއް ހުށަހަޅައިފައިވާ ދަނޑިވަޅެއްގައެވެ.
ވައްޑޭ ތީ މަރުމޯލެއް
ވައްޑޭ މިހާރު ތިހިރީ އުޑުދަށު ހިޔަލަކު ނޫން.އެކަމަކު މާލަހެއްނުވެ ސައިޒަށް ތިރިވެދާނެ..
ދެން ކާފަރަށް ގޮވީ ކޯއްވެޔޯ؟ ހަރުބީ ކާފަރެކޭގޮވީ ކީއްވެޔޯ؟ މިތާ ސުވާލަކީ ކާޅެއް ނޫނޭ.
ކާޅައްވުރެ ހިޔަޅުގެ އުސޫލް ގޯސްވާނެ
ތީ ހިޔަޅު ސަރުކާރެއް
ކަލޭމެންގެ ހިޔަޅުކަން މާ ބޮޑު