ދަތުރުވެރީންގެ މާރުކޭޓްގައި ވިޔަފާރި ކުރާ ފަރާތްތަކުގެ ޝަކުވާއާއި އާދޭހުގެ ތަފާތު ސިޓީއެެއް މޭޔަރަށް!
ދަތުރުވެރީންގެ މާރުކެޓްގައި ވިޔަފާރި ކުރާ ފަރާތްތަކުގެ ޝަކުވާއާއި އާދޭސްތައް ތަފާތު ސިޓީއަކުން މާލޭގެ އައު މޭޔަރ ޑޮކްޓަރ މުޙައްމަދު މުޢިއްޒަށް ހުށަހަޅައިފިއެވެ.
މޭޔަރު މުޢިއްޒު ވަނީ މި ސިޓީ ޓްވިޓާގައި އާންމު ކުރައްވައިފައެވެ.
އެ ސިޓީގައި ވިޔަފާރި ކުރާ ފަރާތްތަކުން ބުނެފައި ވަނީ ލޯކަލް މާރުކޭޓާއި ދަތުރުވެރީންގެ މާރުކޭޓްގެ ގޮޅީގެ ސައިޒު ތަފާތު ނަމަވެސް ދެ ތަނުން ވެސް ކުލި ނަގަނީ އެއްވަރަކަށް ކަމަށާއި އެ ތަފާތަށް ޙައްލެއް ހޯދައިދެއްވުން އެދޭ ކަމަށެވެ.
"މި ކުޑަކުޑަ ގޮޅިއަށް ވެސް ގޮޅީގެ ކުލީގެ ގޮތުގައި މަހަކު 2150ރ ދައްކާން ޖެހެއެވެ.ލޯކަލް މާރުކެޓްގެ ގޮޅިތަކަށް ވެސް ގޮޅީގެ ކުލީގެ ގޮތުގައި ދައްކަނީ މަތީގައިވާ އަދަދެވެ.ދަތުރުވެރީންގެ މާރުކެޓްގަ ގޮޅިއަށް މުދާކޮޅު ވެއްދުމުން މުދަލުގެ ވެރިމީހާ އިންނަން ޖެހެނީ އެކުޑަކުޑަ ގޮޅީގެ ދޮރުމަތީގެ ބޭރުގައެވެ." އެ ސިޓީގައި ވެއެވެ.
މީގެ އިތުރުން ، މާލޭގެ ޓެކްސީ ޑްރައިވަރުންނަށް ލުއި ހޯއްދަވައި ދެއްވުމަށް ޕާކިން ސްލޮޓްތަކުގެ ފީ 3000ރ އިން 750ރއަށް ކުޑަ ކުރެއްވިކަން ފާހަގަ ކުރައްވައި ، (ކޮވިޑްގެ) މިހާލަތަށް ބައްލަވައި ގޮޅީގެ ކުލި ކުޑަ ކުރެއްވުމަށް ވެސް އެ ސިޓީގައި އެދިފައި ވެއެވެ.
