ކޯވިޑް-19 ދިފާޢު : އިތުރު 1،309 މީހުން ވެކްސިން ފުރިހަމަކޮށްފި
ކޯވިޑް-19ގެ ވެކްސިންގެ 2ވަނަ ޑޯޒް އިތުރު 1،309 މީހަކު ރާއްޖެއިން ފުރިހަމަކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ތަފާސްހިސާބުތަކަށް ބަލައިއިރު، ވޭތުވެދިޔަ 24ގަޑިއިރު ތެރޭ ވެކްސިންގެ ދެވަނަ ޑޯޒް އަތޮޅުތަކުގެ ސެންޓަރުތަކުން ޖަހައިފައި ވަނީ 848 މީހުންނެވެ. މާލެ ސަރަހައްދުން 461 މީހުން ވެކްސިން ފުރިހަމަ ކޮށްފައިވެއެވެ.
ވޭތުވެދިޔަ 24ގަޑިއިރު 371 މީހުން ވަނީ ވެކްސިންގެ ފުރަތަމަ ޑޯޒް ޖަހައިފައެވެ. އަތޮޅުތަކުން ސެންޓަރުތަކުން ވެކްސިންގެ ފުރަތަަމަ ޑޯޒް ޖަހައިފައި ވަނީ 228 މީހުންނެވެ. އަދި މާލެ ސަރަހައްދުން 143 މީހުންނެވެ. މިއާ އެކު ވެކްސިންގެ ފުރަތަމަ ޑޯޒް ޖެހި މީހުންގެ ޖުމްލަ ޢަދަދު ވަނީ 309،815 އަށް އަރައިފައެވެ.
ކޮވިޑް-19 އިން ރައްކާތެރިވުމަށް ރާއްޖޭގައި ޖަހަނީ 3 ވައްތަރެއްގެ ވެކްސިނެކެވެ. އެއީ އިންޑިއާއިން ހަދިޔާ ކުރި ކޮވިޝީލްޑް ވެކްސިނާއި ޗައިނާއިން ހަދިޔާ ކުރި ސިނޮފާމް ވެކްސިންގެ އިތުރުން ފައިޒާ ވެކްސިނެވެ.
އޭގެ ތެރެއިން އިންޑިއާއިން ހަދިޔާ ކުރި ވެކްސިންގެ ސްޓޮކް މިހާރު ހުސްވެގެން، އެ ވެކްސިން އާންމުކޮށް ޖެހުން ވަނީ މެދުކަނޑައިލައިފައެވެ.
2ވަނަ ޑޯޒް ޖަހަން ބޭނުންވެ ކިތަމެ ފަހަރަކު ގުޅައިފިން އެކަމް ބުނަނީ ގުޅާލާނަމޭ އަންނަންވީމަ. ފުރަތަމަ ޑޯޒް ޖެހިފަހުން މިހާރު މިއީ 13ވަނަ ހަފްތާ، ދެންބުނާނެ ވެކްސިން ނުޖަހާ މާސްކް ނާޅާ އުޅެނީ ޒުވާނުނޭ. އެމީހުން ޖަހައިދިނިއްޔާތާ ދޯ ޖެހޭނީ.. ގަނެގެން ވިޔަސް ޖެހެން އޮތިއްޔާ ޖަހަން ތައްޔާރައް މިހުރީ..