ކޯވިޑް-19 ދިފާޢު: އިތުރު 1،216 މީހުން ވެކްސިން ފުރިހަމަކޮށްފި
ރާއްޖެއިން އިތުރު 1،216 މީހަކު ކޯވިޑް ވެކްސިންގެ 2 ޑޯޒް ފުރިހަމަކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ތަފާސްހިސާބުތަކުން ދައްކާގޮތުގައި ވޭތުވެދިޔަ 24ގަޑިއިރު ތެރޭ ވެކްސިންގެ ދެވަނަ ޑޯޒް އަތޮޅުތަކުގެ ސެންޓަރުތަކުން ޖަހައިފައި ވަނީ 929 މީހުންނެވެ. މާލެ ސަރަހައްދުން 287 މީހުން ވެކްސިން ފުރިހަމަ ކޮށްފައިވެއެވެ. މިއާ އެކު ރާއްޖޭގައި ވެކްސިން ފުރިހަމަ ކުރި މީހުންގެ ޖުމްލަ ޢަދަދު މިވަނީ 170،105އަށް އަރައިފައެވެ.
ވޭތުވެދިޔަ 24ގަޑިއިރު 429 މީހުން ވަނީ ވެކްސިންގެ ފުރަތަމަ ޑޯޒް ޖަހައިފައެވެ. އަތޮޅުތަކުން ސެންޓަރުތަކުން ވެކްސިންގެ ފުރަތަަމަ ޑޯޒް ޖަހައިފައި ވަނީ 341 މީހުންނެވެ. އަދި މާލެ ސަރަހައްދުން 88 މީހުންނެވެ. މިއާ އެކު ވެކްސިންގެ ފުރަތަމަ ޑޯޒް ޖެހި މީހުންގެ ޖުމްލަ ޢަދަދު ވަނީ 310،834އަށް އަރައިފައެވެ.
ކޮވިޑް-19އިން ރައްކާތެރިވުމަށް ރާއްޖޭގައި ޖަހަނީ 3 ވައްތަރެއްގެ ވެކްސިނެކެވެ. އެއީ އިންޑިއާއިން ހަދިޔާ ކުރި ކޮވިޝީލްޑް ވެކްސިނާއި ޗައިނާއިން ހަދިޔާ ކުރި ސިނޮފާމް ވެކްސިންގެ އިތުރުން ފައިޒާ ވެކްސިނެވެ.
އޭގެ ތެރެއިން އިންޑިއާއިން ހަދިޔާ ކުރި ވެކްސިންގެ ސްޓޮކް މިހާރު ހުސްވެގެން، އެ ވެކްސިން އާންމުކޮށް ޖެހުން ވަނީ މެދުކަނޑައިލައިފައެވެ.
Ads by STO
