މެޑިކަލް އެމަރޖެންސީގައި ދެން ގުޅާނީ 100އަށް!

ކުއްލި ހާލަތުގައި ގުޅުމަށް އިމަޖެންސީ މެޑިކަލް ސާވިސް އުފައްދައި ޚިދުމަތް ދޭން ފަށައިފިއެވެ.

Ads by Hajj Corporation

ހެލްތު އިމަރޖެންސީ އޮޕަރޭޝަން ސެންޓަރުން މިއަދު ވިދާޅުވީ އިމަރޖެންސީ މެޑިކަލް ސާރވިސް އުފައްދައިފައި ވަނީ ހެލްތު މިނިިސްޓްރީން މޯލްޑިވްސް ނޭޝަނަލް ޑިފެންސް ފޯސްގެ އެހީތެރިކަމާއެކުގައި ކަމަށެވެ.

މި ވަގުތަށް އިމަރޖެންސީ މެޑިކަލް ސާވިސްއިން ޚިދުމަތްދޭނީ ހަމައެކަނި ގުރޭޓާ މާލެ ސަރަހައްދުގައި ކޮވިޑް-19އަށް ފައްސި ވޭދަނަތަކުގެ ތެރެއިން އެމަރޖެންސީ ވޭދަނަތަކަށެވެ.

މިއަދު ތައާރަފް ކުރި އިމަރޖެންސީ މެޑިކަލްގެ ސާވިސްގެ ނަންބަރަކީ 100އެވެ.

އެޗްއީއޯސީން ބުނީ މިހާރުން ފެށިގެން އެ ނަންބަރު ބޭނުން ކުރެވޭނެ ކަމަށާ ނަމަވެސް އިލްތިމާސްއަކީ އިމަޖަންސީ ހާލަތްތަކުގައި އެކަނި އެ ނަންބަރު ބޭނުން ކުރުން ކަމަށެވެ.