ހޯމް މިނިސްޓަރަކީ އަޑު ނީވޭ، ލޯފަން މިިނިސްޓަރެއް: ބޮންޑޭ
ހޯމް މިނިސްޓަރ އިމްރާންއަކީ އަޑު ނީވޭ، ލޯފަން ބޭފުޅެއްކަމަށް ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑޭ) ވިދާޅުވެއްޖެއެވެ.
މިނިވަން ދުވަހުގެ މުނާސަބަތުގައި ޓްވިޓާގައި މީހަކު، ބޮންޑޭ ޓެގު ކުރައްވައި ކުރި ޓްވީޓެއް ރީޓްވީޓް ކުރައްވަމުން ބޮންޑޭ ވިދާޅުވީ ފަރުވާ ނުލިބި މުޖްތަމައުއަށް ދޫވެފައިވާ ކުދިންގެ ފަރާތުން ދާއިރާ ރައްޔިތުންނަށް ކުރިމަތިވާ ދަތިތަކުގެ ޝަކުވާ ތަކުރާރުކޮށް ކޮމިޝަނަރ އޮފް ޕޮލިސް މުހައްމަދު ހަމީދުގެ އަރިހުގައި ކުރެވިއްޖެކަމަށާއި ކަމާ ބެހޭ މިނިސްޓަރ ވިދާޅުވީ މާލޭގައި ޑުރަގް ވިއްކާ މީހަކު ވެސް އަދި ޑްރަގް ބޭނުން ކުރާމީހެއް ވެސް ނޫޅޭކަމަށެވެ.
"ފަރުވާ ނުލިބި ތިބިކުދިންގެ ފަރާތުން ދާއިރާ ރައްޔިތުންނަށް ކުރިމަތިވާ ދަތިތަކުގެ ޝަކުވާ ތަކުރާރުކޮށް ކުރެވިއްޖެ ! ކަމާ ބެހޭ އަޑުނީވޭ ލޯފަން ވަޒީރު ބުނަމުން ދަނީ މާލޭގައި ޑުރަގް ވިއްކާ މީހަކުވެސް ބޯ މީހަކު ވެސް ހަރުކަށި ފިކުރުގެ މީހަކު ވެސް ނޫޅޭކަމަށް !" ކޮމިޝަނަރ އޮފް ޕޮލިސް މުހައްމަދު ހަމީދު ޓެގު ކުރައްވާ ބޮންޑޭ ކުރެއްވި ޓްވީޓްގައި ވިދާޅުވިއެވެ.
މިނިވަން ދުވަހުގެ މުނާބަތުގައި މީހަކު، ބޮންޑޭ ޓެގު ކުރައްވާ ކުރެއްވި ޓްވީޓުގައި ބުނެފައިވަނީ 56 ވަނަ މިނިވަން ދުވަސް ފާހަގަކުރާއިރު، އަސަރީހިނގުމުގެ ކުރެދިގޭ ހިސާބުގައި ދިރިއުޅޭ މީހުންނަށް އެހިސާބުގައި މިނިވަންކަމާ އެކު ނޫޅެވޭތާ ތިންއަހަރު ވަނީ ކަމަށާއި ހިސާބުގަޑުން ވައްކަންކުރުމާ، މަރާމާރީ ހިންގުމާ، ކުނިއެޅުން ޢާއްމުވެފައިވާކަމަށެވެ. އަދި އެކަންކަން ފުލުހުންނަށް ވެސް ހުއްޓުވިފައި ނުވާކަމަށާއި ދާއިރާގެ މެމްބަރަށް ވެސް ކަމެއް ނުކޮށްދެވުނު ކަމަށެވެ.
ޢެވޯޑެއް ދޭ ވަރު ވޭ. ތީ ވާ ތެދެއް.