ޚަބަރު

ނަޝީދަށް ހަމަލާދިން މީހުންނަށް ދައުވާކުރުމާ މެދު ގޮތް ނިންމާ، އެ ނިންމުންތައް މާދަމާ ހާމަކުރަނީ

މުޙައްމަދު ސަނީޙް ، ދެން އޮންލައިން

ރައީސް މުޙައްމަދު ނަޝީދަށް އަމާޒުކޮށް ދިން ހަމަލާގެ ތަޙްޤީޤުގެ އަދާހަމަ ހިއްސާ ކުރަން ނޫސްވެރިންގެ ބައްދަލުވުމެއް މާދަމާ ބާއްވަން ޕްރޮސެކިއުޓަރ ޖެނެރަލްގެ އޮފީހުން ތާވަލްކޮށްފިއެވެ.

Ads by STELCO

ޕްރެސެކިއުޓަރ ޖެނެރަލް ހުސެއިން ޝަހީމް ވިދާޅުވީ، ޕީޖީ އޮފީހުން ނިންމެވި ނިންމެވުންތަކާ ގުޅޭގޮތުން މާދަމާ މެންދުރު ފަހު ދޭއް ޖަހާއިރު ނޫސްވެރިންގެ ބައްދަލުވުމެއް އޮންނާނެކަމަށެވެ. އަދި އެމައްސަލައިގައި ދައުވާ ކުރުމާ ގުޅޭގޮތުން ގޮތްތަކެއް ނިންމައިފައިވާ ކަމަށާއި އެކަމުގެ ފުރިހަމަ ތަފްސީލު މާދަމާ ހިއްސާ ކުރާނެ ކަަމަށް ޝަމީމް ވިދާޅުވިއެވެ.

މިމައްސަލައިގައި ވ. ތިނަދޫ، ހިޔާ، އަދުހަމް އަހުމަދު ރަޝީދާއި މއ. ފޭރުގޭ މުޖާޒް އަހުމަދާއި ގއ. ކޮނޑޭ، ފޮޅޭމާ ތަހުމީން އަހުމަދު އަދި ލ. ގަން ދުންފިނިއުފާ އަހްމަދު ފާތިހު އަދި މަނަދޫ، ނޫރީގޭ އަލީ ހައިޝަމްއަށް ދަޢުވާކޮށްދިނުމަށް އެދި ފުލުހުން ވަނީ ޕީޖީގެ އޮފީހަށް ފޮނުވައިފައެވެ. މިހާތަނަށް ރައީސް ނަޝީދުގެ މައްސަލައާ ސީދާ ގުޅުން ހުރި 10 މީހަކު ހައްޔަރުކޮށްފައިވާއިރު، މިހާރު ވެސް ފަސް މީހެއްގެ ތަޙްޤީޤް ކުރިޔަށް ދެއެވެ.

Ads by Allied Insurance

މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!