މާޒީގައި ތިބި ކަހަލަ ކަތީބުންތަކަކަށް އެމްޑީޕީގެ ލީޑަޝިޕް ބަދަލުވެއްޖެ:މޫސަ
އެމްޑީޕީން ޕާޓީއެއްގެ ސިފަޔާއި ޑިމޮކްރަސީގެ ހަމަތަކާ ދުރަށް ގޮސް ވަކި މީހެއްގެ ވަށައިގެން އެނބުރޭ ޕާޓީއަކަށް ބަދަލުވެފައިވާ ކަމަށާއި މާޒީގައި ތިބި ކަހަލަ ކަތީބުންތަކަކަށް އެމްޑީޕީގެ ލީޑަރޝިޕް ބަދަލުވެފައިވާކަމަށް އެޕާޓީގެ ކުރީގެ ޗެއަރ ޕާރސަން މޫސާ މަނިކު (ރީކޯ މޫސަ) ވިދާޅުވެއްޖެއެވެ.
ރީކޯ މޫސަ ވިދާޅުވީ ވަކި ބައެއްގެ ބާރުގައި ހިސޯރު ކުރެވިފައިވާ ޕާޓީއަކަށް އެމްޑީޕީ ބަދަލުވީވަރަކީ އަމިއްލަ ޕާޓީން ހޮވައިފައި ހުރި ރައީސުލްޖުމްހޫރިއްޔާ ވެސް ގަބޫލެއް ނުކުރެވުން ކަމަށެވެ.
"އެމްޑީޕީ ޕާޓީއެއްގެ ސިފަޔާ ޑިމޮކްރަސީގެ ހަމަތަކާ ދުރަށް ގޮސް ވަކި މީހަކު ވަށައިގެން އެނބުރޭ ވަކި މީހެއްގެ ފިކުރަށް ބަދަލުވެ. އަމިއްލަ މީހާއަށް ސަނާ ކިޔާ, ވަކި ބައެއްގެ ބާރުގައި ހިސޯރު ކުރެވިފައިވާ ޕާޓީއަކަށް އެމްޑީޕީ ބަދަލުވީ ވަރަކީ އަމިއްލަ ޕާޓިން ހޮވައިފައި ހުރި ރައީސުލްޖުމްހޫރިއްޔާ ވެސް ގަބޫލެއް ނުކުރޭ" ޓްވިޓާގައި ހިއްސާކޮށްފައިވާ އަތު ލިޔުމުގެ ނޯޓުގައި މޫސަ ވިދާޅުވެފައިވެއެވެ.
މި ނޯޓުގައި މޫސަ ވިދާޅުވީ އެމްޑީޕީ ނެތި ދިޔުމަކީ ގައުމަށް އޮތް ބިރެއް ކަމަށާއި އެޕާޓީގެ އުފެއްދުންތެރިން ހިތްވަރާއެކު ތެދުވެ އެޕާޓީ ސަލާމަތް ކުރަންވެއްޖެ ކަމަށެވެ.
އެމްޑީޕީގެ އެތެރޭގެ ކޯޅުންތައް ބޮޑުވެ ހަމަނުޖެހުންތައް ބޮޑުވެފައިވާ މިދަނޑިވަޅުގައި ރައީސް ޞާލިހާ އެކު ސިޔާސީގޮތުން މަސައްކަތް ނުކުރެވޭނެކަމަށް ރައީސް ނަޝީދު ވަނީ މީގެ ކުރިން ވިދާޅުވެފައެވެ. އަދި ޕާޓީގެ އެތެރޭގެ މަޝްރަހު މިހާރު ވަނީ ވަރަށް ބޮޑަށް ހޫނުވެފައެވެ.
މޫސާ މަނިކު ކުރީގެ ކަތީބުންގެ ވާހަކަ ދައްކަވަނީ ވަރަން އަސަރު ކުރަނީ ކަންނޭގެނީ ކަމަށްވެދާނެ.ޝުކުރިއްޔާ ެަެަެަެަެަެަެަެަެަެަ
މޫސަގެ މިވާހަކަތަކަށް ޝުކުރު ކުރަނީ، އަސްލު އެމްޑީޕީގެ އަދިވެސް ޙަޤީޤީ ފިކުރުގެ މީހަކަށް އަހަރެންވާތީ