މާލޭ ސަރަހައްދުގައި ދުއްވޭނެ ވެހިކަލްގެ އަދަދު ކަނޑައަޅާނަން: މުޢިއްޒު
މާލޭ ސަރަހައްދުގައި ދުއްވޭނެ އެއްގަމު އުނޅަދުފަހަރުގެ އަދަދު ވަރަށް އަވަހަށް ކަނޑައަޅުއްވާނެ ކަމަށް މާލޭ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މާލޭސިޓީގެ ރައްޔިތުންނާ ބައްދަލުކުރުމަށް މާލޭ ސިޓީ ކައުންސިލުން ސިލްސިލާކޮށް ބާއްވާ ބައްދަލުވުންތަކުގެ ތެރެއިން ރޭ މައްޗަންގޯޅީ ރައްޔިތުންނާ ބައްދަލު ކުރައްވާ ވާހަކަ ދައްކަވަމުން މޭޔަރ ވިދާޅުވީ މާލޭގައި އެއްގަމު އުޅަނދު ފަހަރު ގިނަވެ ރައްޔިތުންނަށް އެތައް އުނދަގުލެއް ކުރިމަތިވެފައިވާ ކަމަށެވެ. އެހެންކަމުން އެ މައްސަލަ ހައްލުކުރުމަށް މާލޭސިޓީގައި ގެންގުޅެވޭނެ ވެހިކަލްގެ ލިމިޓެއް ކަނޑައަޅާނެކަމަށް މޭޔަރ ވިދާޅުވިއެވެ. މީގެ އިތުރުން ވެސް މޭޔަރ ވިދާޅުވީ ވެހިކަލް މަދުކުރުމަށް ބަސް ސާވިސް ދިނުމުގެ މަސައްކަތް ފެށުމުގެ މަސައްކަތް މިހާރު ފައްޓަވައިފައިވާ ކަމަށެވެ.
"މާލޭގައި ޓްރާންސްޕޯޓް ނިޒާމެއް ގާއިމުވުމަކީ ވަރަށް މުހިންމުކަމެއް. ޓްރެފިކް ލުއިކުރުމުގައި ވެހިކަލް މަދު ކުރުމުގައި ވަރަށް މުހިންމުކަމެއް ޕަބްލިކް ބަސް ސާވިސްއެއް އޮތުމަކީ. އަޅުގަނޑުމެން މި ކަމަށް މަސައްކަތްތަކެއް ފަށައިފައި މިހާރު މިވަނީ" މޭޔަރ މުއިއްޒު ވިދާޅުވިއެެވެ.
މޭޔަރ ވިދާޅުވީ އެކަމަކީ ޓްރާސްޕޯޓް މިނިސްޓްރީގެ ބަޖެޓުގައި ވެސް އޮތްކަމެއް ކަމަށާއި މިހައިތަނަށް އައިއިރު ވެސް އެކަމެއް ނުހިނގާކަމަށެވެ.
މާލެ ސިޓީގެ މަގުތަކުން ވެހިކަލްތައް މަދުކުރުމަށް ޓަކައި މަގުތަކުގައި ހުރި ބާވެފައިވާ ވެހިކަލްތައް ނެގުމުގެ މަސައްކަތްވެސް މާލެ ސިޓީ ކައުންސިލުން ގެންދަނީ ކުރަމުންނެވެ.
މާލަސްވެްޖެ. އެކަމު ތިކަން ކުރެވިއްޖިއްޔާ ތީ ރަނގަޅުކަމެއް، ވިޔަނުދޭނެ އެއުޅޭ ހުނިގޮޑި ވަގުގެ ގުރޫޕުން