އުރީދޫއާއި އޯކާ މީޑިއާ ގުޅިގެން ރާއްޖޭގެ ރީތިކަން މުޅި ދުނިޔެއަށް އިޝްތިހާރު ކުރަނީ
މިދިޔަ އަހަރުގެ ސެޕްޓެމްބަރ މަހުގެ ތެރޭގައި އުރީދޫ މޯލްޑިވްސްއާއި މޯލްޑިވްސް މާކެޓިންގ އެންޑް ޕަބްލިކް ރިލޭޝަން ކޯޕަރޭޝަންއާއި ޓޫރިޒަމް މިނިސްޓްރީގެ އިތުރުން އޯރކާ މީޑިއާ ގްރޫޕް ގުޅިގެން ވަނީ "ވިޒިޓް މޯލްޑިވްސް ނައު" ގެ ނަމުގައި ޑެސްޓިނޭޝަން މާކެޓިންގ ކެމްޕެއިނެއް ފަށައިފައެވެ.
މި ކެމްޕެއިން މެދުވެރިކޮށް ދުނިޔޭގެ 10 ޤައުމެއްގެ 117 މީހުންނާ ހަމައަށް ރާއްޖެ ޕްރޮމޯޓް ވެގެންދާނެއެވެ.
މި ކެމްޕެއިންގެ ބައެއްގެ ގޮތުން އުރީދޫ މޯލްޑިވްސްއާއި އޯރކާ މީޑިއާ ގްރޫޕުން ވަނީ ސޯޝަލް މީޑިއާގައި ކެމްޕެއިނެއް ފަށައިފައެވެ. މި ކެމްޕެއިން މެދުވެރިކޮށް ރާއްޖޭގެ ރިވެތި ސަގާފަތާއި ހިތްގައިމު މަންޒަރުތައް ދައްކުވައިދޭ ޕޮޓޯއާއި ވީޑިއޯ ހިއްސާ ކުރެވޭނެއެވެ.
"ވިޒިޓް މޯލްޑިވްސް ނައު"ގެ މައިގަނޑު ބޭނުމަކީ ރާއްޖޭގެ ބްރޭންޑް ވިޒިބިލިޓީ އިތުރުކުރުމާއި ރާއްޖެ އަންނަ ފަތުރުވެރިންގެ އަދަދު އިތުރުކުރުން ކަމުގައި އުރީދޫން ބުނެއެވެ. އަދި މި ކެންޕެއިންގައި ރާއްޖޭގެ ކޮންމެ ސަރަހައްދެއްގައި ހުރެގެން ވެސް ފޮޓޯއާއި ވީޑިއޯ ހިއްސާކޮށްގެން ބައިވެރިވެވޭނެ ކަމަށް ވެސް ބުނެފައިވެއެވެ.
ފޮޓޯ އަދި ވީޑިއޯ ހިއްސާކުރަން ޖެހޭނީ އެ މަހެއްގައި ކަނޑައަޅާފައިވާ ތީމްއަކަށެވެ. ފޮޓޯއާއި ވީޑިއޯ އަޕްލޯޑް ކުރާއިރު #ވިޒިޓްމޯލްޑިވްސް ޖަހަން ޖެހޭނެއެވެ.
މިކަމާ ގުޅޭގޮތުން އުރީދޫގެ ޗީފް ކޮމާޝަލް އޮފިސަރ ހުސައިން ނިޔާޒް ވިދާޅުވީ، ކޮވިޑް19ގެ ސަބަބުން ފަތުރުވެރިކަމުގެ ސިނާއަތައް ލިބުނު ގެއްލުމުގެ ސަބަބުން ގިނަ އާއިލާތަކަކަށް އޭގެ އަސަރުކޮށްފައިވާ ކަމަށެވެ. އެހެންކަމުން އުރީދޫ މޯލްޑިވްސްގެ އަމާޒަކީ އަލުން ފަތުރުވެރިކަން ކުރިއެރުވުންކަމަށް ނިޔާޒް ވިދާޅުވިއެވެ. އަދި މި ކެމްޕެއިންގެ ސަބަބުން ރާއްޖެ އިތުރަށް ބޭރުގެ މާކެޓްތަކުގައި އިޝްތިހާރު ވެގެން ދާނެކަމަށް ވެސް އޭނާ ވިދާޅުވިއެވެ.
މިމަހުގެ 15 ވަނަ ދުވަހު ފެށުނު ކެންޕެއިން ކުރިއަށްދާނީ 5 މަސް ދުވަހަށެވެ. އެއީ ޑިސެމްބަރމަހާ ހަމައަށެވެ.
ކޮންމެ މަހަކު ވެސް ވަކި ތީމުއަކާއި ޚާއްސަ އިނާމުތަކެއް ކަނޑައަޅާނެއެވެ. ކޮންމެ ފޮޓޯއަކާ ވީޑިއޯއެއް ވެސް ގުނާނީ ވަކި ވަކިންނެވެ. އެހެންކަމުން ގިނަ ފޮޓޯ އަދި ވީޑިއޯ ފޮނުވާ ފަރާތަކަށް އިނާމު ލިބުމުގެ ފުރުސަތު އިތުރުވެގެންދާނެއެވެ.
އިނާމު ލިބޭ ފަރާތެއް ކަނޑައަޅާނީ ކޮންމެ މަހެއް ނިމުމުން ބާއްވާ ލަކީޑްރޯއަކުންނެވެ. ފުރަތަމަ މަހުގެ ތީމްއަކީ ރާއްޖޭގެ ސަޤާފަތާއި އާދަކާދައެވެ. އެހެންކަމުން ރާއްޖޭގެ ކެއިންބުއިންތަކާއި، ދިވެހިންގެ އަތްތެރި މަސައްކަތްތަކާއި، ސަޤާފަތް ދައްކުވައިދޭ ފޮޓޯއާއި ވީޑިއޯ ފޮނުވޭނެއެވެ.
ލަކީޑްރޯއިން ހޮވޭ ފަރާތަކަށް ވ. ކެޔޮދޫ ޖުޕިޓަރ ސަންރައިޒްގައި ދެ މީހަކަށް 2 ދުވަހުގެ ހުރުމެއް ލިބިގެންދާނެއެވެ.
