ކޮވިޑް-19 އެންމެ ވޭދަނައަކާ އެކު މުޅި ނިއުޒިލޭންޑް ފުރަބަންދަކަށް !
ކޮވިޑް-19ގެ ވޭދަނައެއް ފެނި މުޅި ނިއުޒިލޭންޑްގައި ފުރަބަންދު އިއުލާނުކޮށްފިއެވެ.
ކޮވިޑް-19ގެ އެންމެ ވޭދަނައެއް ފެނި ނިއުޒިލޭންޑްގެ ބޮޑު ވަޒީރު ޖެސިންޑާ އާރޑަން އެގައުމުގައި ލޮކްޑައުން އިއުލާނު ކުރައްވައި ވިދާޅުވީ މިފަހަރު އެގައުމުން ފެނިފައި މިވަނީ ނުރައްކާތެރި ޑެލްޓާ ވޭރިއެންޓްގެ ވޭދަނައެއް ކަމަށް ބެލެވޭ ކަމަށެވެ.
މިއީ މިދިޔަ ފެބްރުއަރީ މަހަށް ފަހު އެގައުމުން ފެނުނު ފުރަތަމަ ވޭދަނައެވެ. އަދި މިފަހަރު ބަލި ޖެހިފައިވަނީ 58 އަހަރުގެ މީހަކަށް ކަމަށާއި އެ މީހާއަކީ ވެކްސިން ނުޖަހާ ހުރި މީހެއްކަމަށް ވެސް ބޮޑު ވަޒީރު ވަނީ ފާހަގަ ކުރައްވައިފައެވެ. އަދި އެމީހާއަކީ އެގައުމުގެ އެންމެ ބޮޑު ސިޓީ ކަމުގައިވާ އޯކްލޭންޑްގެ މީހެއް ކަމަށާއި އެމީހާ އެކި ސިޓީތަކަށް ދަތުރުކޮށްފައިވާކަމަށް ވެސް ބޮޑުވަޒީރު ވަނީ ފާހަގަކުރައްވައިފައެވެ. އެހެން ނަމަވެސް އޭނާ ނިއުޒިލޭންޑްއިން ބޭރުގެ ގައުމަކަށް ގޮސްފައިނުވާކަމަށް ވެސް ވަނީ ރިޕޯޓްކޮށްފައެވެ.
