ޓެކާސް މައިލޯ ޗެމްޕިއަންޝިޕް 2021ގެ ސްޕޮންސަރުންނާ އެކު އެއްބަސްވުމުގައި ސޮއި ކޮށްފި
ކުޅިވަރު މުބާރާތްތައް މެނޭޖް ކުރާ ކުންފުންޏެއް ކަމަށްވާ ޓެކާސްއިން މި އަހަރުގެ މައިލޯ ޗެމްޕިއަންޝިޕްގެ ސްޕޮންސަރުންނާ އެކު އެއްބަސްވުމުގައި ސޮއި ކޮށްފިއެވެ.
މިކަމަށް ޓަކައި ހޮޓެލް ޖެންގައި މިއަދު ހަވީރު ބޭއްވި ޙަފްލާއެއްގައި ވާހަކަ ދައްކަވަމުން ޓެކާސްގެ ޑައިރެކްޓަރ އިބްރާހިމް ވިސާމް ވިދާޅުވީ ޓެކާސްއަކީ ޓޯނަމަންޓް މެނޭޖްމަންޓު ކުންފުންޏެއް ކަމަށާއި އެ ކުންފުނީގެ ބޭނުމަކީ ރާއްޖޭގެ އެކި ރަށްރަށުގައި ވަރަށް ބައިވަރު ކުޅިވަރު މުބާރާތްތައް ބޭއްވުން ކަމަށެވެ.
"އެގޮތުން އެންމެ ފޯރިގަދަކޮށް ކުރިއަށްދާ އެކައްޗަކީ ފުޓްސަލް. އަޅުގަނޑުމެން ކޮންމެ ރަށަކަށް ބެލިޔަސް ކޮންމެ ރަށެއްގައި ވެސް އެބަހުރި ވަރަށް ރީތި ދަނޑުތައް. ސޯޝަލް މީޑިއާގައި ވެސް އެނގެން ހުރޭ ދަނޑުތަކާއި މި ރަށްރަށުގެ ރީތިކަން. އަޅުގަނޑަކީ މެލޭޝިއާގައި ހުރިއިރު ވެސް މިގޮތަށް މުބާރާތްތައް ބޭއްވި މީހަކަށް ވާތީ ހިތަށް އެރީ ހުރިހާ ރަށަކާއި ރިސޯޓުތައް ވެސް ހިމެނޭ ގޮތަށް ރާއްޖޭގައި ވަރަށް ބޮޑު މުބާރާތެއް ބާއްވަން" ވިސާމް ވިދާޅުވިއެވެ.
ޓެކާސް މައިލޯ ޗެމްޕިއަންޝިޕް 2021 ގެ ސްޕޮންސަރުންނަކީ:
▪︎ މައިލޯ ލިލީ އިންޓަނޭޝަނަލް
▪︎ އަލްޝާރީ މެރިން މޯލްޑިވްސް
▪︎ އުރީދޫ މޯލްޑިވްސް
▪︎ އެމްޓީސީސީ
▪︎ ވެލިގާ ހާޑްވެއާ
▪︎ މޯލްޑިވް ގޭސް
▪︎ މޯލްޑިވިއަން
▪︎ ވެލްވޮލައިން
▪︎ މީޑިއާނެޓް
▪︎ ޕާސަނަލް ކޮމްޕިއުޓާސް އެވެ.
ޓެކާސްގެ ރެގިއުލާ ޕާޓްނަރުންގެ ތެރޭގައި ހިމެނެނީ:
▪︎ އިވެންޓް މޯލްޑިވްސް
▪︎ ޕްރިންޓް ލެބް
▪︎ ލިންކް ސާވް
▪︎ ކޯޕިއަރ ޕްލަސް
▪︎ ސޮނީ ސްޕޯޓްސް، އަދި
▪︎ ސަންފްރަންޓް އެވެ.
މިއަދުގެ ރަސްމިއްޔާތުގައި ވިސާމް ވިދާޅުވީ ރާއްޖެ ރަމްޒުކޮށްދޭ ގޮތަށް ހަދައިފައިވާ މި މުބާރާތް، ބައިނަލްއަގުވާމީ ފެންވަރުގެ މީހުން ވެސް ބަލައިގަންނަން ބޭނުންވާ ކަމަށެވެ.
Ads by STO
