ނަފުރަތު އުފައްދަން މަގުފަހިވާ ގޮތަށް އިސްލާމް ފޮތްތަކުގައި ލިޔުންތަކެއް ހުރި ކަމުގެ ތުހުމަތެއް!
ނަފުރަތު އުފައްދަން މަގުފަހިވާ ގޮތަށް އިސްލާމް ފޮތްތަކުގައި ހުރި ލިޔެކިޔުންތައް ބަދަލު ކުރަމުން އަންނަ ކަމަށް އެމްޑީޕީގެ "މެއި ހައެއް ކޮމެޓީ" އިން ވިދާޅުވެއްޖެއެވެ.
އެމްޑީޕީގެ މެއި 6 ކޮމިޓީން ކުރަމުންދާ މަސައްކަތުގެ މައުލޫމާތު ދިނުމަށް ރޭ ބޭއްވި ޤައުމީ މަޖިލީހުގެ ޖަލްސާގައި ވާހަކަ ދައްކަވަމުން އެ ކޮމެޓީގެ މުގައްރިރު ހަސަން އަފީފް ވިދާޅުވީ އިސްލާމް ފޮތްތަކުގައި ނަފްރަތު އުފެއްދުމަށް މަގުފަހިވާ ގޮތަށް ހުރި ލިޔެކިޔުންތައް މިހާރު ބަދަލު ކުރަމުންދާ ކަމަށް އެޑިއުކޭޝަން މިނިސްޓްރީން ވިދާޅުވެފައިވާ ކަމަށެވެ.
އެއީ އެ ފޮތްތަކުގައި ހުރި ކޮންކޮން ލިޔުންތަކެއް ކަމަށް އަފީފް ވިދާޅުވެފައެއް ނުވެއެވެ. ސުކޫލު ކުދިންނަށް އަމާޒުކޮށް އެކިއެކި ހަރުކަށި ފިކުރުގެ ފަރާތްތަކުން ކުދިންގެ ވިސްނުން ބަދަލު ކުރުމަށް މަސައްކަތް ކުރަމުންދާ ކަމަށް އަފީފް ވިދާޅުވިއެވެ. އަދި އެޑިއުކޭޝަން މިނިސްޓްރީގެ ބޭފުޅުންނަށް ވެސް އެކަން ފާހަގަ ކުރެވިފައިވާކަމަށް ވިދާޅުވިއެވެ.
“މިކަންތަކަކީ އެޑިއުކޭޝަން މިނިސްޓްރީގެ ބޭފުޅުންނަށް ވެސް ފާހަގަ ކުރެވިފައިވާ ކަންތައްތަކެއް ކަަމަށް އެ ބޭފުޅުން ވިދާޅުވަނީ. އެގޮތުން އިސްލާމް ފޮތްތަކުގައި ނަފްރަތު އުފެއްދުމަށް މަގުފަހިވާ ގޮތަށް ހުރި ލިޔެކިޔުންތައް ދަނީ ބަދަލުކުރަމުން،" އަފީފް ވިދާޅުވިއެވެ.
އޮގަސްޓް މަހުގެ 26 ވަނަ ދުވަހު "މެއި ހައެއް ކޮމެޓީ"ގެ މެންބަރުން ވަނީ އެޑިއުކޭޝަން މިނިސްޓަރު އައިޝަތު އަލީއާ ބައްދަލު ކުރައްވައިފައެވެ. އެ ބައްދަލުކުރެއްވުމުގައި ދަރިވަރުންގެ ތެރޭގައި ހަރުކަށި ފިކުރު ފެތުރިފައި އޮތް މިންވަރާ މެދު ވާހަކަ ދެކެވިފައިވެއެވެ. އަދި އެޑިއުކޭޝަން މިނިސްޓްރީން ކުރަމުން ގެންދާ މަސައްކަތްތަކާ ގުޅޭގޮތުން ވެސް މަޝްވަރާކޮށްފައިވެއެވެ.
އެޑިއުކޭޝަން މިނިސްޓްރީން މިހާރު ކުރަމުންދާ މަސައްކަތްތަކުގެ ތެރެއިން ސުކޫލުތަކުގައި ހަރުކަށި ފިކުރަށް ގޮސްފައިވާ ދަރިވަރުން ދަނީ ފާހަގަކުރަމުންނެވެ. އަދި އެކި ކަހަލަ ތަމްރީން ޕްރޮގްރާމްތަކާއި އެކަންކަން ހުއްޓުވުމަށް ގިނަ މަސައްކަތްތަކެއް ކުރެވެމުންދާކަމަށް މިނިސްޓްރީން ވަނީ ވިދާޅުވެފައެވެ.
އިސްލާމް ފޮތުގައި ހުރީ މިސަރުކާރަށް ހުސް ނަފުރަތު ކުރާލިޔުން.
އެހެންވެ ފެންނަނީ އުތެމަ ނޫނީ އެމް.ޑީ.އެން ނުވަތަ ޓްރާންސް ޕޭރަންސީ މޯލްޑިވްސް ލައްވާ ދީން ކިޔަވައިދޭނެ ފޮތެއްލިޔުއްވަން
ޢިސްލާމް ކިޔަވައިދިނުން ހުއްޓާލަން މަސައް ކަތް ކުރަން އުޅޭހެން ހީވަނީ. 2008ގަވެސް ދިވެއްސާ އިސްލާމް ކިޔަވައި ނުދޭން މަސައް ކަތް ކޮށްފަ ވަނީ.