އެމަޖެންސީ އެޑްވައިޒަރީ ކޮމިޓީއެއް އެޑިއުކޭޝަން މިނިސްޓްރީން އެކުލަވައިލައިފި
އެމަޖެންސީ ހާލަތްތަކަށް އިޖާބަ ދިނުމަށް އެޑިއުކޭޝަން މިނިސްޓްރީން ބޭނުންވާ ފަންނީ ލަފައާއި އިރުޝާދު ދޭނެ ކޮމިޓީއެއް އެޑިއުކޭޝަން މިނިސްޓްރީން އެކުލަވައިލައިފިއެވެ.
އެމަޖެންސީ އެޑްވައިޒަރީ ކޮމިޓީގެ ނަމުގައި އެކުލަވައިލި މި ކޮމިޓީގައި އިމަޖެންސީ ހާލަތްތަކުގައި ހަރަކާތްތެރިވާ ސަރުކާރުގެ މުއައްސަސާތައް ހިމެނެއެވެ. އެގޮތުން މިިކޮމިޓީގައި ހިމެނޭ ފަރާތްތަކުގެ ތެރޭގައި މިނިސްޓްރީ އޮފް އެންވަޔަރަމެންޓު، ކުލައިމެޓްޗޭންޖު އެންޑް ޓެކުނޮލޮޖީ، ނޭޝަނަލް ޑިޒާސްޓަރ މެނޭޖުމެންޓު އޮތޯރިޓީ، މިނިސްޓްރީ އޮފް ފިނޭންސް، މޯލްޑިވްސް މިޓިއޮރޮލޮޖިކަލް ސަރވިސް، ލޯކަލް ގަވަމެންޓު އޮތޯރިޓީ، މޯލްޑިވްސް ޕޮލިސް ސަރވިސަސް، ހެލްތު ޕްރޮޓެކްސަން އެޖެންސީ، ނޭޝަނަލް ކައުންޓަރ ޓެރަރިޒަމް ސެންޓަރ، މިނިސްޓްރީ އޮފް ޖެންޑަރ، ފެމަލީ އެންޑް ސޯސަލްސަރވިސް، މޯލްޑިވްސް ނޭޝަނަލް ޑިފެންސް ފޯސްގެ ފަޔަރ އެންޑް ރެސްކިއު ސަރވިސް، މޯލްޑިވްސް ރެޑު ކުރޮސެންޓް އެޑިޔުކޭޝަން، ޔުނިސެފް ކަންޓްރީ އޮފީސް އަދި އެޑިޔުކޭޝަން ސެކުޓަރގެ ކަމާ ގުޅޭ ފަރާތްތައް ހިމެނެއެވެ.
އެޑިއުކޭޝަން މިނިސްޓްރީން ޗެއަރ ކުރާ މިކޮމިޓީގެ މަގްސަދަކީ ދަރިވަރުންގެ އިންސާނީ ކަރާމާތަށް ބުރޫ އަރައިފާނެ ފަދަ ހާދިސާތަކާ، ދަރިވަރުންގެ ސަލާމަތާއި ރައްކާތެރިކަން ކަށަވަރުކުރުމާއެކު، ސްކޫލުގެ މާޙައުލާއި ސްކޫލްގެ ރައްކާތެރިކަން ދެމެހެއްޓުމާއި މިނިސްޓްރީން ބޭނުންވާ ފަންނީ ލަފަޔާއި އިރުޝާދު ދިނުމާ އެކު ދަރިވަރުންގެ ސަލާމަތާއި ރައްކާތެރިކަން ކަށަވަރުކުރުމަށް ސަރުކާރުގެ ކަމާގުޅޭ އިދާރާތައް ގުޅިގެން މަސައްކަތް ކުރުމެވެ.
ސުކޫލު މާހައުލަކީ ދަރިވަރުންނަށް ރައްކާތެރި މާހައުލަކަށް ހެދުމަށް ދިވެހިރާއްޖޭގެ ތައުލީމީ ގާނޫނުގެ 13 ވަނަ މާއްދާއާއި 23ވަނަ މާއްދާއިން އެޑިއުކޭޝަން މިނިސްޓްރީގެ މައްޗައް ވަނީ ލާޒިމް ކޮށްފައެވެ. އެހެންކަމުން މިކޮމިޓީ އެކުލަވައިލައިފައި ވަނީ އެމަސައްކަތުގެ ތެރެއިންނެވެ.
