ހެއްކާ ބެހޭ ބިލު ދިރާސާކުރުމަށް ޖުޑިޝަރީ ކޮމިޓީއަށް ފޮނުވައިފި
ހެއްކާ ބެހޭ ބިލު ދިރާސާކުރުމަށް ޖުޑިޝަރީ ކޮމިޓީއަށް ފޮނުވައިފިއެވެ.
މި ބިލު ކޮމިޓީއަށް ފޮނުވަން ބަލައިގަތީ ވޯޓުގައި ބައިވެރިވެވަޑައިގެންނެވި 30 މެމްބަރުންގެ އިއްތިފާގުންނެވެ.
ސަރުކާރުގެ ފަރާތުން ތިނަދޫ އުތުރު ދާއިރާގެ މެންބަރު އަބްދުލްމުޣުނީ ހުށަހެޅުއްވި ހެއްކާ ބެހޭ ބިލު ގާނޫނަކަށް ވެގެން އަންނައިރު ކޯޓުުތަކާއި ޓްރައިބިއުނަލްތައް އަދި ފިޔަވަޅުއެޅުމުގެ ބާރު ލިބިގެންވާ ތަންތަނަށް ހެކީގެ ބާވަތްތައް ކަނޑައެޅުމުގައި ފަސޭހަތަކެއް ވެގެންދާނެ ކަމަށް ވިދާޅުވެފައިވެއެވެ. އަދި އިންސާފުން ޝަރީއަތް ކޮށްދިނުމުގެ މައިގަނޑު އަސާސް ކަމުގައިވާ ހެކި ހުށަހެޅުމަށް ޓަކައި ހެއްކާ ބެހޭ ގާނޫނީ އޮނިގަނޑެއްް އެކުލަވައިލުމަކީ މި ބިލުގެ މަގްސަދެއް ކަމުގައި ވެސް ވިދާޅުވެފައިވެއެވެ.
މި ބިލު ފާސްވެއްޖެ ނަމަ، މިހާރު ރާއްޖެއިން އަމަލު ކުރަމުން އަންނަ ހެއްކާ ބެހޭ އުސޫލްތަކާއި، މިހާރު ތަންފީޒު ކުރަމުންދާ ގާނޫނުތައް އުވިގެން ދާނެއެވެ.
މި ބިލުގައިވާ ގޮތުން ހެކި ހުށަހެޅުމަށް ޓަކައި، މައިގަނޑު ތިން ބައެއް އޮވެއެވެ. އެގޮތުން ހެކީގެ ވަސީލަތަށް ބަލައި ހެކި ބައި ކުރެވުމާއި، ދަރަޖައަށް ބަލައި ހެކި ބައި ކުރުމާއި، އަދި ހެކީގެ ގުޅުމަށް ބަލައި ހެކި ބައި ކުރެވިދާނެ ގޮތުގެ ތަފްސީލް ބިލުގައި ހިމަނައިފައިވެއެވެ.
މީގެ އިތުރުން އުމުރުން 15 އަހަރުން ދަށުގެ ކުދިންގެ ހެކިބަސް ގަބޫލް ކުރެވޭނެ އުސޫލުތަކާއި އަންހެނުންގެ ހެކިބަސް ނެގޭނެ ހާލަތާއި، ނެގޭނެ ގޮތް ވެސް މި ބިލުގައި ހިމަނައިފައިވެއެވެ. އަދި ހަމަ މިއާ އެކު ހެކި ވަޒަން ކުރުމުގެ އުސޫލު ވެސް ވަނީ ފާހަގަކޮށްފައެވެ.
Ads by STO
