ޖިންސީ ފުރައްސާރައާއި، ޖިންސީ ގުނަވަން ދައްކަނީ ކޮންބައެއްކަން ރައްޔިތުންނަށް ސާފުވާނެ: އަލީ ވަހީދު
ޖިންސީ ފުރައްސާރައާއި، ޖިންސީ ގުނަވަން ދައްކަނީ ކޮންބައެއްކަން ރައްޔިތުންނަށް މިހާރު ސާފުވާނެ ކަމަށް ރާއްޖޭގެ ކުރީގެ ޓުއަރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
އަލީ ވަހީދު މިފަދައިން ވިދާޅުވެފައި ވަނީ ރައްޔިތުންގެ މަޖިލީހުގެ ހިތަދޫ ދެކުުނު ދާއިރާގެ އެމްޑީޕީ މެންބަރު އިބްރާހީމް ނާޒިލް، ހިތަދޫ އުތުރު ދާއިރާގެ އެމްޑީޕީ މެންބަރު މުހައްމަދު އަސްލަމަށް، ޖިންސީ ފުރައްސާރައަކަށް ވާ ފަދަ އަމަލެއް ކުރި ކަމަށް މީސްމީޑިއާގައި ދެކެވެމުންދާ ދަނޑިވަޅެއްގައެވެ.
އަލީ ވަހީދު ކުރެއްވި ޓްވީޓެއްގައި ވިދާޅުވީ ޖިންސީ ފުރައްސާރައާއި، ޖިންސީ ގުނަވަން ދައްކަނީ ކޮންބައެއްކަން ރައްޔިތުންނަށް ސާފުވާނެ ކަމަށާއި، ޕްރޮސެކިއުޓާ ޖެނެރަލް ހުސައިން ޝަމީމަށް މިކަން ނުފެންނާނެ ކަމަށާއި، ނަމަވެސް ހިސާން ހުސައިނަށް ފެންނާނެ ކަމަށެވެ. އަދި ރައީސް އިބްރާހިމް މުހައްމަދު ސޯލިހަށް މި ހަބަރު ފެނިގެން ކީރިތި ނުކުރައްވައިފިއްޔާ ކިތަންމެހާ ވެސް ރަނގަޅު ކަމަށް އެ ޓްވީޓުގައި ވިދާޅުވެފައި ވެއެވެ.
އެނގިފައިވާ ގޮތުގައި، އެމްޑީޕީގެ އެތެރޭގެ އިންތިހާބުގައި އުފެދުނު ހިޔާލުތަފާތުވުމަކާ ގުޅިގެން އަސްލަމަށް ރުޅިވެރިކަން ދެއްކުމުގެ ގޮތުން މެންބަރު ނާޒިލް ވަނީ އޭނާގެ ޖިންސީ ގުނަވަން ދައްކައި "މި ވީޑިއޯ ކޮށްބަލާށޭ" ވިދާޅުވެފައެވެ.
މަޖިލީހުގެ އިދާރާގެ ތެރޭގައި ނާޒިލް އެގޮތަށް ކަންތައް ކުރެއްވުމުން އެ މައްސަލަ ބަލައިދޭން އެދިވަޑައިގެން ސެކްރެޓޭރިއަޓަށް ހުށަހެޅުއްވީ ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ އެމްޑީޕީ މެމްބަރު ހުސަައިން ޝަމީމް (އަނދުން ހުސައިން)އެވެ.
Ads by STO
