އުރީދޫއިން އައިފޯން 13، 13 ޕްރޯ، 13 ޕްރޯ މެކްސް އަދި އައިފޯން 13 މިނީ މޫލީ ވެބްސައިޓް މެދުވެރިކޮށް ޕްރީއޯޑަރަށް ހުޅުވައިލައިފި!
އެޕަލް ކުންފުނިން އެންމެ ފަހުން ނެރުނު އައިފޯން 13، އައިފޯން 13 ޕްރޯ، އައިފޯން 13 ޕްރޯ މެކްސް އަދި އައިފޯން 13 މިނީއަށް ޕްރީ އޯޑަރ ކުރުމުގެ ފުރުސަތު މޫލީ ވެބްސައިޓް މެދުވެރިކޮށް އުރީދޫ މޯލްޑިވްސްއިން ހުޅުވައިލައިފިއެވެ.
ރީތި އައު ޑިޒައިންތަކެއް ހިމެނޭ، އައިފޯން 13ގެ މޮޑެލްތަކުގައި ވާދަވެރި ކެމެރާ ސިސްޓަމްތަކަކާ އެކު، ޕްރޯ މޯޝަން ސުޕަރ ރެޓިނާ އެކްސް.ޑީ.އާރް ޑިސްޕްލޭގެ އިތުރުން ބެޓަރި ލައިފް ވެސް ވަނީ އިތުރަށް ފުރިހަމަ ކޮށްފައެވެ.
ހަމައެއާ އެކު، އައިފޯން 13 ސީރީޒްގެ ފޯނުތަކުގައި އެކުލެވިފައިވާ އެޕަލްގެ އޭ-15 ބަޔޮނިކް ޗިޕް އަކީ މިހާތަނަށް ސްމާޓްފޯނެއްގައި ބޭނުންކުރެވިފައިވާ އެންމެ ހަލުވި ޗިޕެވެ.
އޮކްޓޯބަރ 8 ވަނަ ދުވަހު 12 ގަޑި ސުންމިނެޓުގައި އުރީދޫ މޯލްޑިވްސްގެ އީ-ކޮމާރސް ޕްލެޓފޯމް މޫލީގެ ވެބްސައިޓް މެދުވެރިކޮށް، ކަސްޓަމަރުންނަށް އައިފޯން 13ގެ މޮޑެލްތައް ޕްރީއޯޑަރ ހުޅުވައިލުމާ އެކު ގިނަ އަދަދެއްގެ ކަސްޓަމަރުން މިހާރު ވެސް ވަނީ ޕްރީއޯޑަރކޮށްފައެވެ.
