ގާޒީ އަލީ ނަސީރުގެ މަގާމު ދަށް ކުރި މައްސަލައިގެ އިސްތިއުނާފު ނުބެލޭނެ ކަމަށް ނިންމައިފި
ސިވިލް ކޯޓުގެ ކުރީގެ ގާޒީ އަލީ ނަސީރުގެ މައްޗަށް ސުލޫކީ މައްސަލައެއް ސާބިތުވެ އޭނާގެ މަގާމު ދަށް ކުރި މައްސަލަ، ފަނޑިޔާރުންގެ އިސްތިއުނާފު އިސްތިއުނާފު މަޖިލީހުގައި ނުބެލޭނެ ކަމަށް ނިންމައިފިއެވެ.
ގާޒީ އަލީ ނަސީރުގެ ސުލޫކީ މައްސަލަ ސާބިތުވުމުން ޖުޑީޝަލް ސާވިސް ކޮމިޝަން (ޖޭއެސްސީ)އިން ނިންމީ އޭނާ މެޖިސްޓްރޭޓު ކޯޓަކަށް ބަދަލު ކުރާށެވެ. އެގޮތުން އެ ކޮމިޝަނުން ދިން އިހްތިޔާރުތަކުގެ ތެރެއިން އޭނާ އިހްތިޔާރު ކުރެއްވީ ވ. ފެލިދޫ ކޯޓަށް ބަދަލުވެވަޑައިގަތުމަށެވެ.
މަގާމު ދަށް ކުރުމަށް ޖޭއެސްސީގެ ފަރާތުން ނިންމި ނިންމުން ފަނޑިޔާރުންގެ މަޖިލީހުގައި އިސްތިއުނާފު ކުރުމަށް ގާޒީ ނަސީރުގެ ފަރާތުން ހުށަހެޅުމުން، އެ އިސްތިއުނާފު ބަލައި ނުގަތުމަށް ނިންމީ، އިސްތިއުނާފު ކުރި އިރު ހުށަހެޅި ނުކުތާތަކަކީ ސީދާ މައްސަލައިގެ މައުޟޫއާ ގުޅޭ ނުކުތާތަކެއް ކަމަށް ވާތީ، އެ މައްސަލަ ބަލައިގެންފި ނަމަ އޭގެ ނަތީޖާއަކަށް ވާނީ ޖޭއެސްސީން ބެލި މައްސަލަ މައުޟޫއީ ގޮތުން އަލުން ބެލޭ ގޮތް މެދުވެރިވުން ކަމަށްވާތީއެވެ.
އިސްތިއުނާފޭ މިކިޔާ އެއްޗެއްވެސް މިހާރު އޮޅޭހިސާބަށް ގޮއްސި، ނިންމި މައްސަލައެއްގެ މައުޟޫޢުން ބޭރުން އެނިންމުން ނިންމިގޮތާމެދު އުފެދޭ ނުތަނަވަސްކަމެއް ޙައްލުކުރާނެ ގޮތެއް އޮންނާނެބާއޭ ހިތަށްއަރާ! ނަންނަމުގައި ކޮމިޓީތައް ހަދައިގެން ކުރާކަމަކީ ކަތިކޮށް ކުރާކަންކަން ރަނގަޅުކަމަށް ލައިސަންސް ދިނުމޭ ބުނާބުނުމަށް ބާރުލިބެނީ މިހެންވެ. ވައިޖެހޭ އަތަކަށް ހޫރޭ އެއްޗަކަށް ޢަދުލުއިންސާފު ވެއްޖެނަމަ ޖާހިލުންގެ ސަފުތައް ބަދަހިވެގެންދާނެކަމީ ކަށަވަރުކަމެއް!
އިސްތިއުނާފީ މަޖިލިހެއްތަ އެއީ. އެއީ ފީކުދާނެއް