އަނެއްކާ ވެސް ސުކޫލެއްގައި ދަރިވަރުންތަކަކަށް ޖިންސީ ގޯނާ ކުރި މައްސަލައެއް!
އަނެއްކާ ވެސް މާލޭގެ ސުކޫލެއްގައި ޓީޗަރަކު ދަރިވަރުންތަކަކަށް ޖިންސީ ގޯނާ ކުރި މައްސަލައެއް ފެންމަތިވެ އެޓީޗަރު ސަސްޕެންޑް ކޮށްފައިވާކަމަށް އެޑިއުކޭޝަން މިނިސްޓްރީން ވިދާޅުވެއްޖެއެވެ.
މައުލޫމާތު ލިބިފައިވާގޮތުގައި ދަރިވަރުންތަކަކަށް ޖިންސީ ގޯނާ ކުރި ޓީޗަރު ސަސްޕެންޑްކޮށް އިދާރީ ތަހްގީގެއް އެޑިއުކޭޝަނުން މިހާރު ގެންދަނީ ކުރަމުންނެވެ.
މިމައްސަލައާ ގުޅިގެން ފުލުހުން ވިދާޅުވީ ޓީޗަރަކު ދަރިވަރުންތަކަކަށް ޖިންސީ ގޯނާ ކުރި މައްސަލައެއް މިދިޔަ އަންގާރަ ދުވަހު ހުށަހަޅައިފައިވާ ކަމަށާއި އެ މައްސަލަ ތަހުގީގު ކުރަމުންދާ ކަމަށެވެ.
މީގެ އިތުރުން އުމުރުން ހަތަރު އަހަރުގެ ކުއްޖަކަށް ޕްރީ ސުކޫލެއްގައި ޖިންސީ ގޯނާ ކުރި މައްސަލައެއް ވެސް ދާދިފަހުން ވަނީ ފެންމަތިވެފައެވެ. މައުލޫމާތު ލިބިފައިވާ ގޮތުގައި މިކަން ހިނގައިފައި ވަނީ މާލޭގެ މަޝްހޫރު ޕްރީ ސްކޫލެއްގައެވެ. ޖިންސީ ޝިކާރައަކަށްވީ އުމުރުން ހަތަރު އަހަރުގެ އަންހެން ކުއްޖެކެވެ. އަދި ޖިންސީ ގޯނާކޮށްފައި ވަނީ އެ ސްކޫލުގެ އަންހެން މުވައްޒިފެކެވެ. އަދި އެކުއްޖާއަށް ޖިސްމާނީ އަނިޔާތަކެއް ލިބި އޭޑީކޭގައި ފަރުވާ ދީފައިވާ ކަަމަށް ވެސް މައުލޫމާތު ލިބެއެވެ.
މިފަދަ މައްސަލަތައް ފުލުހުން ހާއްސަ ސަމާލުކަމެއްދީގެން ބަލަމުންދާކަމަށް ފުލުހުން ބުނެއެވެ.
