ދައުލަތުގެ ފައިސާއިން ކުރާ ކޮންމެ ކަމަކީ އެންމެ ބޭނުންތެރި ގޮތަށް ކުރާ ކަމަކަށްވުމީ ރައީސް ބޭނުންފުޅުވާ ގޮތް: ނައިބު ރައީސް

ރައްޔިތުންނަށްޓަކައި ދައުލަތުގެ ފައިސާ ބޭނުންކޮށްގެން ކުރާ ކޮންމެ އެންމެ ބޭނުންތެރި ގޮތަށް ކުރާ ކަމަކަށްވުމީ ރައީސުލްޖުމްހޫރިއްޔާ ބޭނުންފުޅުވާ ގޮތްކަމުގައި ރައީސުލްޖުމްހޫރިއްޔާގެ ނައިބު ފައިޞަލް ނަސީމް ވިދާޅުވެއްޖެއެވެ.

Ads by Hajj Corporation

ފުވައްމުލަކު މަސްޖިދުލް ހުދާ ބިނާކުރުމުގެ ޢަމަލީ މަސައްކަތް ފައްޓަވައިދެއްވުމަށް މިއަދު ހެނދުނު ބޭއްވި ހާއްސަ ރަސްމިއްޔާތުގައި ވާހަކަފުޅު ދައްކަވަމުން ނައިބު ރައީސް ވިދާޅުވީ ރައްޔިތުންނަށްޓަކައި ދައުލަތުގެ ފައިސާއިން ކުރާ ކޮންމެ ކަމަކީ އޭގެ ކޮލިޓީ ހިފެހެއްޓިގެން ކުރާކަންކަށް ކަމަށް ވުމަށް ރައީސް ބޭނުންފުޅުވާކަމަށެވެ.

ނައިބު ރަައީސް މިހާރު ފުވައްމުލަކާއި އައްޑޫ ސިޓީއަށް ކުރައްވަމުން ގެންދަވާ ރަސްމީ ދަތުރުފުޅުގައި މިއަދު ހެނދުނު ފުވައްމުލަކު މިސްކިތްމަގު އަވަށުގައި މަސައްކަތް ފެށި މަސްޖިދުލް ހުދާ އަކީ 450 މީހުންގެ ޖާގައިގެ މިސްކިތެކެވެ.

ނައިބު ރައީސްްގެ މި ދަތުރުފުޅުގައި މިއަދު ވަނީ ފުވައްމުލަކު ސްކޫލަށް ޒިޔާރަތް ކުރައްވާ، އެ ސްކޫލްގައި އެއް ދަންފަޅިއަށް ކިޔެވުން ބަދަލު ކުރުމަށް އިތުރަށް ބޭނުންވާ ކްލާސްރޫމް އިމާރާތުގެ ބިންގާވެސް  އަޅުއްވައިދެއްވައިފައެވެ. މީގެ އިތުރުން އެމަނިކުފާނު މިއަދު ވަނީ ފުވައްމުލަކު ހާފިޒް އަޙްމަދު ސްކޫލަށްވެސް ވަޑައިގަންނަވާފައެވެ.

އަދިހަމައެހެންމެ އެމަނިކުފާނު މިއަދުވަނީ ފުވައްމުލަކު ސްކޫލްތަކުގެ އިސްވެރިންނާވެސް ބައްދަލުކުރައްވާފައެވެ. ވަކިން ބޭއްވެވި މި ބައްދަލުކުރެއްވުމުގައި ވާހަކަފުޅުދައްކަވަމުން ރައީސުލްޖުމްހޫރިއްޔާގެ ނައިބު ވަނީ ތައުލީމު ފޯރުކޮށްދޭން ތިއްބަވާ އެންމެހާ ފަރާތްތަކުން، ރަށުގެ މަސްލަހަތާއި ކުދިންގެ މުސްތަޤުބަލު އެހެން ހުރިހާ ކަމެއްގެ މައްޗަށް އިސްކުރަންޖެހޭކަން ފާހަގަކުރައްވާފައެވެ.