އަލީ ވަޙީދު ކޯޓަށް ހާޒިރުނުވުމުން ޝަރީއަތް ކެންސަލް ކޮށްފި
މިއަދު ހެނދުނު ސުޕްރީމް ކޯޓުގައި ތާވަލް ކޮށްފައި އޮތް އަޑުއެހުމަށް ކުރީގެ ޓޫރިޒަމް މިނިސްޓަރ އަލީ ވަހީދު ހާޒިރުނުވުމުން އެ އަޑުއެހުން ކެންސަލްކޮށްފިއެވެ.
ސުޕްރީމް ކޯޓުން ވިދާޅުވީ މިއަދުގެ ހެނދުނު 9:00އަށް ތާވަލް ކުރެވުނު ޝަރީއަތުގެ މަޖިލީހަށް އަލީ ވަހީދު ހާޒިރުވެފައި ނުވާތީ ކެންސަލް ކުރެވިފައިވާ ކަމަށެވެ.
މިއަދު ކުރިއަށް ގެންދަން ހަމަޖެހިފައި ވަނީ އަލީ ވަހީދުގެ މައްޗަށް އުފުލައިފައިވާ ޖިންސީ ގޯނާގެ ދައުވާތަކުގެ ޝަރީއަތް އޮންލައިންކޮށް ކުރިއަށް ގެންދާ މައްސަލައިގައި ޕްރޮސިކިއުޓާ ޖެނަރަލްގެ ފަރާތުން ހުށަހެޅި މައްސަލައިގެ އަޑުއެހުމެކެވެ.
ޢަލީ ވަޙީދުގެ މައްޗަށް ދައުލަތުން ޖިންސީ ކުށުގެ ގިނަ ދައުވާތަކެއް އުފުލައިފައި ވަނިކޮށް ބޭސްފަރުވާއަށް ރާއްޖެއިން ބޭރަށް ވަޑައިގަތުމަށް އެދިވަޑައިގަތުމުން ކޯޓުން ވަނީ އޭނާގެ ޕާސްޕޯޓު ދޫކޮށްފައެވެ. ޕާސްޕޯޓު ދޫކޮށްލެއްވުމާ އެކު އޭނާ ވަނީ އިނގިރޭސިވިލާތަށް ވަޑައިގެންފައެވެ. އަދި، ޝަރީޢަތް އޮންލައިންކޮށް ހިންގަން އޭނާ އެދިވަޑައިގަތުމުން ކުރިމިނަލް ކޯޓުން ވަނީ އެ ފުރުޞަތު ވެސް ދީފައެވެ.
އެ މައްސަލައިގެ ޝަރީއަތަށް އޭނާ ކްރިމިނަލް ކޯޓަށް ހާޒިރު ނުވެ އޮންލައިންކޮށް ކުރިއަށް ގެންދަން ނިންމި ނިންމުން ޕީޖީ އޮފީހުން ސުޕްރީމް ކޯޓުގައި އިސްތިއުނާފްކުރުމުން ކޯޓުން ވަނީ ސުޕްރީމް ކޯޓްގެ ޝަރީއަތަށް ހާޒިރުވުމަށް އޭނާއަށް ޗިޓު ފޮނުވައިފައެވެ. ނަމަވެސް އަލީ ވަހީދު ކޯޓަށް ހާޒިރުވެފައި ނުވާތީ ކޯޓުގެ ހުރުމަތް ކެނޑިކަމަށް ބަލައި އޭނާގެ މައްޗަށް 2 މަހާއި 12 ދުވަހުގެ ޖަލު ހުކުމެއް ވަނީ އިއްވައިފައެވެ.
މިއީ ރައްޔިތުން ގުނބޯހަދަނީ! އަދި ޢަލީ ވަޙީދަށް ބިރުދައްކައިގެން ސަރުކާރުގެ ނިވަލަށް ޢަލީ ވަޙީދު ގެންނަންވެގެން ޖައްސާ ސްޓަންޑް