ކުޑަ ދެކުދިންނާއެކު ދަތުރު ކުރަމުން ދިޔަ ޑިންގީއެއް ބަންޑުން ޖަހައިލައިފި
ހދ. ނޮޅިވަރަމާއި ހދ. ނޮޅިވަރަންފަރާއި ދޭތެރޭ މަހަށް ނުކުމެ އުޅުނު ޑިންގީއެއް ، އައި ވިލާގަނޑެއްގައި ޖެހި، ރާޅެއްގައި ބަންޑުން ޖަހައިލުމާ ގުޅިގެން އެމްއެންޑިއެފް ނޮދަން އޭރިއާއިން އެހީތެރިކަން ފޯރުކޮށްދީފިއެވެ.
އެމްއެންޑީއެފްއިން ވިދާޅުވީމިހާދިސާގެ ހިނގައިގެން އުޅޭކަން އެމްއެންޑީއެފް ނޮދަން އޭރިއާއަށް އެނގިފައި ވަނީ ނޮދަން އޭރިއާ ކުޅުދުއްފުށީގައި އޮންނަ އެމްއެންޑީއެފްގެ ހާބަރ ކްރާފްޓް ލޯންޗް ގަޑި ހަމަކުރުމަށް ދުއްވަން ނުކުމެ އުޅެނިކޮށް މިއަދުގެ 15:40 ހައިއިރު ކަމަށެވެ. ނޮދަން އޭރިއާގެ ލޯންޗަށް މަންޒަރު ފެނުނުއިރު ބަންޑުން ޖަހައިލައިގެން އުޅުނު ޑިންގީން ކަނޑުވެފައި ތިބި މީހުން އެ ސަރަހައްދުން ދަތުރުކުރި މެރީނާ ނަމަކަށް ކިޔާ ދޯންޏަކަށް ނަގަމުންދިޔަ ކަމަށް ވެސް މައުލޫމާތު ލިބިފައި ވެއެވެ.
މިހާދިސާގައި ބަންޑުން ޖަހައިލި ލޯންޗްގައި ތިބީ ދެ ފިރިހެނުންނާއި ދެ ކުޑަކުދިންނެވެ.
އެމްއެންޑީއެފްއިން ވަނީ ބަންޑުން ޖަހައިލި ލޯންޗްގައި ތިބި ކުޑަ ދެކުދިން ނޮޅިވަރަމަށް ގެންގޮސްދީފައެވެ. އަދި އެ ފަރާތުން ވަނީ ޑިންގީ ފުށުން ޖަހައި ކަފު ޖަހައިގެން މިއަދު 17:15 ހާއިރު ނޮޅިވަރަމަށް ޑިންގީ ގެންގޮސްދީފައެވެ.
މިހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
