ހިޔާ އެއްބަސްވުމުގައި ސޮއިނުކުރާ މީހުންނަށް އިތުރު ފުރުސަތެއް
ހިޔާ މަޝްރޫއުގެ ދަށުން ފްލެޓު ލިބިފައިވާ މީހުންގެ ތެރެއިން، ފްލެޓުތަކުގެ އެއްބަސްވުމުގައި ސޮއިކޮށްފައި ނުވާ މީހުންނަށް އިތުރު ފުރުސަތެއް ހުޅުވައިލައިފިއެވެ.
އެޗްޑީސީން ބުނީ ހިޔާ ފްލެޓް ލިބިފައިވާ ފަރާތްތަކުގެ ތެރެއިން ޖުލައި 14، 2021އިން ނޮވެމްބަރު 24، 2011އާ ދެމެދު އެއްބަސްވުމުގައި ސޮއިކުރުމަށް ތާވަލްކޮށް އެކި ސަބަބުތަކާ ހުރެ އެއްބަސްވުމުގައި ސޮއިކުރަން ނާދެވުނު ފަރާތްތަކާއި އަދި މިހައިތަނަށް ސޮއިކުރަން އެ ކޯޕަރޭޝަނުން ގުޅައިފައި ނުވާ ފަރާތްތަކުން، އެއްބަސްވުމުގައި ސޮއިކުރުމަށް ފުރުސަތު ހުޅުވައިލައިފައިވާ ކަމަށެވެ.
އެއްބަސްވުންތަކުގައި ސޮއިކުރުމުގެ ކަންކަން ކުރިއަށް ގެންދިއުމަށް ހަމަޖެހިފައި ވަނީ މިމަހު 28 އަދި 29 ވަނަ ދުވަހު ހުޅުމާލޭ، ސެންޓްރޯ މޯލްގެ 2ވަނަ ފަންގިލާގައި ކަމަށް އެޗްޑީސީން މަޢުލޫމާތުދެއެވެ.
ހިޔާ މަޝްރޫއަކީ 2016ވަނަ އަހަރު ކުރީގެ ރައީސް އަބްދުﷲ ޔާމީންގެ ސަރުކާރުން ކުރިޔަށް ގެންގޮސްފައިވާ މަޝްރޫޢެކެވެ. މިމަޝްރޫޢުގެ ދަށުން 25 ބުރީގެ 16 ޓަވަރެއް ވަނީ އަޅައިފައެވެ.
Ads by STO
