ފުލުހުންނަށް އަމުރުކުރުން ރައީސް ނަޝީދު ހުއްޓައިލާން ޖެހޭ: ޑރ. ޖަމީލް
"އިންޑިއާ އައުޓް" ކެމްޕޭނު ހުއްޓުވަން ފުލުހުންގެ ކިބައިން ރައްޔިތުންގެ މަޖިލީހުގެ ރައީސް އަދި ވެރިކަންކުރާ އެމްޑީޕީގެ ލީޑަރު މުހައްމަދު ނަޝީދު އެދިވަޑައިގަތުމުން، އެ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ފާޑުވިދާޅުވެއްޖެއެވެ.
އެމްޑީޕީގެ މެންބަރުންނާ އެކު މިއަދު ހަވީރު ސަލްޓަން ޕާކުގައި ބޭއްވި ބައްދަލުވުމެއްގައި ރައީސް ނަޝީދު ވިދާޅުވީ، "އިންޑިއާ އައުޓް" އޭ އިދިކޮޅު ލީޑަރު އަދި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމަށް ވިދާޅުނުވެވޭނެ ކަމަށާއި ފުލުހުން ވެސް އެ ކެމްޕޭނު ހުއްޓުވަން ޖެހޭނެ ކަމަށެވެ. ރައީސް ނަޝީދު ވަނީ، މި ކެމްޕޭނުގައި "އިންޑިއާ އައުޓް" ޖަހައިގެން ރައީސް ޔާމީން ޓީޝާޓު ތުރުކުރައްވައިގެން ހުރުމުން ވެސް ފާޑުވިދާޅުވެފައެވެ.
ރައީސް ނަޝީދުގެ އެ ވާހަކަފުޅަށް ރައްދު ދެއްވަމުން ޑރ. ޖަމީލު މިއަދު ވިދާޅުވީ ރައީސް ޔާމީން ކެމްޕޭނު ކުރައްވާނެ ގޮތް ރައީސް ނަޝީދަށާއި ފުލުހުންނަށް އެނގިވަޑައިނުގަންނަވާނެ ކަމަށެވެ. އަދި ރައީސް ޔާމީންގެ ޓީޝާޓުގައި ނަން ޖަހާނެ ގޮތުގެ ލަފާ ރައީސް ނަޝީދު ދެއްވަން ޖެހިވަޑައިނުގަންނަވާނެ ކަމަށް ވެސް ޑރ. ޖަމީލު ވިދާޅުވިއެވެ.
ޑރ. ޖަމީލު އިތުރަށް ވިދާޅުވީ ފުލުހުންނަށް ރައީސް ނަޝީދު އަމުރުކުރުން ވެސް ހުއްޓައިލާން ޖެހޭ ކަމަށެވެ.
ކެރަފާ އަންނި ހިތުން އޭނާއަކީ މިގައުމުގެ ރައީސް.ސިފައންނަށް އަމުރު ކުރުމަށްވުރެ ރަނގަޅުވާނެ އިސްލާމް ދީނަށް ޑެންމާކުގައި ދެއްކި ލާދީނީ ވާހަކަ ތަކަށް ތައުބާވެ ރައްޔިތުންގެ ކިބައިން މާފަށް އެދުނިއްޔާ.