ރައީސް ނަޝީދުގެ މައްސަލައެއް އަނެއްކާ ވެސް ފުލުހަށް ހުށަހަޅައިފި
ރައްޔިތުންގެ މަޖިލީސް އަދި ވެރިކަން ކުރާ މައި ޕާޓީ އެމްޑީޕީގެ ރައީސް، ރައީސް މުހައްމަދު ނަޝީދުގެ މައްސަލައެއް އަނެއްކާ ވެސް ފުލުހަށް ހުށަހަޅައިފިއެވެ.
ޣައިރު ދީންތަކުގެ ޝިއާރުތައް ފަތުރާ ކަމަށް ބުނެ މި މައްސަލަ ފުލުހަށް ހުށަހަޅައިފައި ވަނީ "ރައްޔިތުންގެ އިއްތިހާދު"ންނެވެ.
އެ އިއްތިހާދުގެ ފަރާތުން ފުލުހަށް ހުށަހެޅި ސިޓީއެއްގައި ބުނެފައި ވަނީ 2020 ވަނަ އަހަރު ނަޝީދު ކްރިސްމަސްގެ ތަހުނިޔާ ފާޅުގައި ދިވެހިންނަށް ފޮނުވައިފައި ކަމަށެވެ. އަދި ފާއިތުވެދިޔަ އަހަރު ވެސް އަނެއްކާ ކްރިސްމަސްގެ ތަހުނިޔާ ކިޔައި ފޮޓޯ އާންމު ކޮށްފައިވާ ކަމަށެވެ. އެހެންކަމުން އެ މައްސަލަ އަލުން ހުށަހަޅާ ކަމަށް އެ ސިޓީގައި ވެއެވެ.
އެ މައްސަލަ މީގެ ކުރިން ވެސް ފުލުހަށް އެ އިއްތިހާދުގެ ފަރާތުން ފޮނުވިކަން ސިޓީގައި ފާހަގަ ކޮށްފައިވެއެވެ. އޭގައި ބުނެފައި ވަނީ އޭރު އެ މައްސަލަ ބަލައިފައި ނުވާ ކަމަށާއި ރައީސް ނަޝީދުގެ މިފަދަ މައްސަލަތައް މީގެ ކުރިން ވެސް ފެންމަތިވެފައިވެއެވެ. އަދި އެކިފަހަރު މަތިން އެމަނިކުފާނަށް ލާދީނީއަށް ގޮވައިފައި ވެސް ވެއެވެ.
ރައީސް ނަޝީދު ވަނީ އެންމެންނަށް އައު އަހަރުގެ ތަހުނިޔާ ވިދާޅުވެފައެވެ. އެ މަނިކުފާނު ވިދާޅުވީ 2021ވަނަ އަހަރު އެ މަނިކުފާނަށް ކުރިމަތިވި ބޮމުގެ ހަމަލާގައި ސަލާމަތްވެފައިވުމުން ހަމްދުކުރާ ކަމަށާއި އަދި މި އަހަރަކީ އެންމެންނަށް ވެސް އުފާ އަދި ފާގަތި އަހަރަކަށް ވާނެކަމަށް ދުއާކުރާ ކަމަށެވެ.
ތިޔަ ބުނާ ރައީސު ފާޅުގައި ޑެންމާްކުގައި ﷲއަށް ގޮންޖަހައި ރަސޫލާ(ޞޢވ) އަށް ފުރައްސާރަ ކުރި މަސްއަލަ ހުށަ ނޭޅީ ކީއްވެބާ؟
ތި އެއްވެސް ކަމެއް ނުބަލާނެ، ބަލަން ތިބީވެސް ހަމަ އެ ބައިގަނޑު ދެން ބަލާނެ ގޮތެއް ބުނެބަލަ، މި ސަރުކާރުން އެއްމެ ތާއީދު ކުރާ ކަމަކީ ވެސް އެބާވަތުގެ ކަންތައް ކުރާ މީހުނަށް.
ނުބަލާނެތީ ކޮންލާނޭބޭކާރު