ތަންތަން ގޮއްވައިލަން ބޭނުން ކުރާފަދަ ގްރެނޭޑެއް ފަޅުރަށަކުން ފެނިއްޖެ

ރ. އަތޮޅުގެ ފަޅު ރަށަކުން ގްރެނޭޑެއް ފެނިގެން އެކަން ފުލުހުން ތަހުގީގު ކުރަން ފަށައިފިއެވެ.

Ads by MWSC

އެނގިފައިވާ ގޮތުގައި، ތަންތަން ގޮއްވާލަން ބޭނުން ކުރާ ފަދަ ގްރެނޭޑެއް ފެނިފައި ވަނީ ރ. މާށިގިރި ކިޔައި ފަޅު ރަށަކުންނެވެ. އެ ގްރެނޭޑު ފެނުނީ އެ ރަށަށް ދަތުރު ދިޔަ ބަޔަކަށް ކަމަށް ވެސް މައުލޫމާތު ލިބެއެވެ.

"ދެން"އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލަކު ވިދާޅުވީ، ފަޅުރަށަކުން ގްރެނޭޑެއް ފެނިފައިވާ ކަމަށާއި އެކަމުގެ މައުލޫމާތު ފުލުހުންނަށް ލިބިފައި ވަނީ މި މަހުގެ 1ވަނަ ދުވަހު ކަމަށެވެ.

މި މައްސަލަ ފުލުހުން މިހާރު ދަނީ އިތުރަށް ތަހުގީގު ކުރަމުންނެވެ.

މި މައްސަލައާ ގުޅިގެން އަދި އެއްވެސް މީހަކު ހައްޔަރު ކުރިކަމަށް މައުލޫމާތު ލިބިފައެއް ނުވެއެވެ.