ވޯޓު އޮޅުވައިލި ކަމަށް ބުނެ އަނެއްކާ ވެސް މައްސަލަ ހުށަހަޅައިފި
2018ވަނަ އަހަރު ބޭއްވި ރިޔާސީ އިންތިހާބުގައި ވޯޓު އޮޅުވައިލި ކަމަށް ބުނެ އެ މައްސަލަ ، ކަމާ ގުޅުން ހުރި އިދާރާތަކަށް އަނެއްކާ ވެސް ހުށަހަޅައިފައިވާނެ ކަމަށް، އިދިކޮޅު ޕްރޮގްރެސިވް ކޮންގްރެސް ކޯލިޝަނުގެ ޤާނޫނީ ވަކީލުންގެ ޓީމުން ވިދާޅުވެއްޖެއެވެ.
އިދިކޮޅު ޕީޕީއެމް/ޕީއެންސީގެ ވަކީލުންގެ ޓީމުން މިއަދު ބޭއްވި ނޫސްވެރިންގެ ބައްދަލުވުމުގައި ވަކީލް މުހައްމަދު ރާގިބް އަހުމަދު ވިދާޅުވީ، އެ މައްސަލަ ފުލުހުންނަށާއި އެންޓި ކޮރަޕްޝަން ކޮމިޝަން (އޭސީސީ)، ހިއުމަން ރައިޓްސް ކޮމިޝަން (އެޗްއާރްސީއެމް) އަދި އޮމްބަޑްސްޕާސަންގެ އޮފީހަށް ވެސް ހުށަހަޅައިފައިވާ ކަމަށެވެ.
ވަކީލު ރާގިބް ވިދާޅުވީ އެ މައްސަލަތަކުގައި 25 ނުކުތާ ފާހަގަ ކޮށްފައި ވާނެ ކަމަށާއި ތުހުމަތު ކޮށްފައި ވާނީ ޖިނާއީ މައްސަލަތަކަކަށް ކަމަށެވެ. އަދި އެ މައްސަލަ އަނެއްކާ ވެސް ދިރާސާ ކުރި ކުރުމުން އަނގޮޓި ބޭނުން ކޮށްގެން ފާހަގަ ޖަހައިފައިވާ ކަމަށާއި ދެލި ފުހެވޭ ގަލަމެއް ބޭނުން ކޮށްގެން ފާހަގަ ޖަހައިފައިވާ ކަމަށް ވެސް އޭނާ ވިދާޅުވިއެވެ. ރާގިބް ވިދާޅުވީ، އެ ދިރާސާތަކުން ފޭކު ވޯޓު ކަރުދާސް ޗާޕުކޮށްގެން ވޯޓުލައިފައިކަން ވެސް ފާހަގަވެފައިވާ ކަމަށެވެ.
އިދިކޮޅު ކޯލިޝަންގެ ގާނޫނީ ޓީމުން ކޮށްފައިވާ ތުހުމަތުތަކުގެ ތެރޭގައި ޝަހުސު އޮޅުވައިލުމާއި، ރިޝްވަތު ދިނުމާއި ހިފުން، ވޯޓުކަރުދާސް ޗާޕް ކުރަން ބިޑް ކުރުމުގައި އޮޅުވައިލުން ހިމެނެއެވެ. އަދި ރަސްމީ ހައިސިއްޔަތު ނަހަމަގޮތުގައި ބޭނުންކުރުމާއި ނުފޫޒުފޯރުވުމާއި، ރަސްމީ އިދާރާއަކަށް ދޮގު މައުލޫމާތު ދިނުމުގެ އިތުރުން މުވައްޒަފުންނަށް ބިރުދެއްކުން އެ މައްސަލައިގައި ހިމެނެއެވެ.
ހެޔޮނުވާނެ! ކުރާނެ ކަމެއް ނެތިއްޔާ ވާގަނޑަކުން ދަން ޖެހިބަލަ!
ޔާމީނު ކުރި ވައްކަން ބެލިއްޔާ މާތާހިރުވާނެ!