ތިލަމާލެ ބްރިޖްގެ ސާވޭ ދެ ދުވަހުގެ ތެރޭގައި ފަށަނީ
މާލެ-ވިލިނގިލި ގުޅައިލުމުގެ ސާވޭ ދެ ދުވަހުގެ ތެރޭގައި ފަށާނެކަމަށް މިނިސްޓްރީ އޮފް ނެޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރއިން ވިދާޅުވެއްޖެއެވެ.
ޕްލޭނިން މިނިސްޓްރީން ވިދާޅުވީ، ކުރިއަށް އޮތް 2 ދުވަހުގެ ތެރޭގައި މާލެ އަދި ވިލިނގިލީގައި ޖިއޯޓެކްނިކަލް ސާރވޭގެ އަމަލީ މަސައްކަތްތައް ފެށޭނެ ކަމަށެވެ.
ޖިއޯޓެކްނިކަލް ސާރވޭތައް ކުރުމަށް ބޭނުންވާ ބައެއް އިކުއިޕްމަންޓްތައް މިއަދު ރާއްޖެ ގެނެސްފައިވާ ކަމަށް ޕްލޭނިން މިނިސްޓްރީން ވިދާޅުވިއެވެ. އަދި ބްރިޖްގެ ޢަމަލީ މަސައްކަތްތައް އަންނަ މަހު ފެށޭވަރު ވާނެކަމަށް ވެސް ޕްލޭނިން މިނިސްޓްރީން ވަނީ ވިދާޅުވެފައެވެ.
ތިލަމާލެ ބްރިޖުގެ މަސައްކަތް ފެށުމުގެ ގޮތުން އިންޑިއާގެ އެފްކޮންސް އިންފްރާސްޓަރަކްޗަރު ކުންފުންޏާ ހަވާލުކުރީ މިދިޔަ އަހަރުގެ އޮގަސްޓު މަހު 21ވަނަ ދުވަހުއެވެ. ތިލަމާލެ ބްރިޖުގެ މަސައްކަތަށް އިންޑިއާއިން ހިލޭ އެހީގެ ގޮތުގައި 15 މިލިއަން ޑޮލަރު ވަނީ ދީފައެވެ.
ތީއަޅާއަޅާާ ނޭޅުނުބުރިޖުު ތިބުރިޖުު ސާރވޭކުރުމައްް އެތައްމިލިޔަންޑޮލަރުު ހޭދަކޮއްފިި މިދިޔައަހަރުު ތިބުރިޖުއެޅުމުގެެ އެއްބަސްވުމުގަި ސޮއިވެސްކޮއްފިި އަނެއްކާވެސްް ސާރވޭކުރާވާހަކަަ އޮޅުވާލަންޏާާ ވެސްް ތީީ ބޮޑުވަރުު