އިގްތިސާދީ ނަފާ ލިބިގަތުމަށް ޓަކައި އެންމެ މުހިންމީ އަމާންކަމާއި ރައްކާތެރިކަން ކަށަވަރު ކުރުން: އިމްރާން

އިގްތިސާދީ ނަފާ ލިބިގަތުމަށް ޓަކައި އެންމެ މުހިންމު މަސައްކަތަކީ އަމާންކަމާއި ރައްކާތެރިކަން ކަށަވަރު ކުރުން ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.

Ads by Hajj Corporation

މިނިސްޓަރު މިހެން ވިދާޅުވީ ތ.ބުރުނީގެ ޕޮލިސް ޕޯސްޓް ހުޅުވައި ދެއްވައި ދެއްކެވި ވާހަކައިގައެވެ.

މިއަދު ތ. ބުރުނީގައި ބޭއްވި ރަސްމިއްޔާތުގައި ބުރުނީ ޕޮލިސް ޕޯސްޓް ހުޅުއްވައި ދެއްވީ ހޯމް މިނިސްޓަރު އިމްރާންއާއި ކޮމިޝަނަރ އޮފް ޕޮލިސް މުހައްމަދު ހަމީދެވެ.

ޕޮލިސް ޕޯސްޓް ހުޅުއްވައި ދެއްވުމަށް ފަހު ޕޮލިސް ޕޯސްޓްގައި ދިވެހިރާއްޖޭގެ ދިދަ ނަންގަވައިދެއްވީ މިނިސްޓަރު އިމްރާންއެވެެ. ދިވެހި ފުލުހުންގެ ޚިދުމަތުގެ ދިދަ ނަންގަވައި ދެއްވީ ސީޕީ ހަމީދެވެ.

މިރަސްމިއްޔާތުގައި އިމްރާން ވަނީ އިގްތިސާދީ ދުވެލި ހަރުދަނާކުރުމަށް ޓަކައި ނުވަތަ ފުރިހަމަކޮށް އަަވަސް ކުރުމަށްޓަކައި އިގްތިސާދީ ގޮތުން ކުރަން ހުރި ގިނަ މަސައްކަތްތައް ހޯދައި އޭގެ ނަފާ ފުރިހަމައަށް ލިބިގަތުމަށް ޓަކައި ކުރެވޭ މަސައްކަތަށް އެންމެ މުހިންމު އެއް ކަމަށްކަށް ވެގެންދަނީ އަމާންކަމާއި ރައްކާތެރިކަން ކަށަވަރުކުރުން ކަމުގައި ވިދާޅުވެފައެވެ.

އަދި ކުރެވޭ މަސައްކަތްތައް ފުރިހަމައަށް ހިމާޔަތްކުރެވި، ރައްޔިތުންނަށް ކުރެވޭ މަސައްކަތް ރައްކާތެރިކުރެވޭނެކަމުގެ ޔަގީންކަން ލިބިފައި އޮތުމަށާއި އެމަސައްކަތްތަކަށް ފުލުހުން ގާއިމްވެ ތިބުމަކީ ވަރަށް މުހިންމު ކަމެއްކަމަށް ވިދާޅުވިއެވެ.