މުއިއްޒު ޖައްސަވާ ހިސާބުން ގުޅީ ފަޅުގައި ގޯތި ދޭން ޖެހޭނީ އެއްވެސް ހުސްތަންކޮޅެއް ނުބާއްވާ: އަސްލަމް

އިއްޔެ އިއްވި ރިޔާސީ ބަޔާނުގައި ރައީސް ޞާލިޙް ވިދާޅުވީ މާލޭ ރަށްވެހިންނަށް ހުޅުމާލެއިން މަދުވެގެން 1,000 ގޯތި، ގުޅީފަޅުން މަދުވެގެން 2,000 ގޯތި އަދި ގިރާވަރު ފަޅު ހިއްކައިގެން 2،000 ގޯތި ދެއްވާނެ ކަމަށެވެ.

މި އަދަދުތައް ހާމަ ކުރެއްވުމުން، މާލޭގެ މޭޔަރު ވަނީ ރައީސް ޞާލިޙަށް ފާޑު ވިދާޅުވެ، ޓްވީޓް ކުރައްވައިފައެވެ. މިގޮތުން ވިދާޅުވީ، ހުޅުމާލެއިން މަދުވެގެން 4000 ގޯތި ދެވެން އެބައޮތް ކަމަށާއި ގުޅިފަޅު ހިއްކައިގެން މަދުވެގެން 10،000 ގޯތި ދެވެން އެބައޮތް ކަމަށެވެ. އަދި ދެތިން ހާސް ގޯއްޗަކީ މާލޭ މީހުންނަށް ޙައްޤު މިންވަރު ނޫން ކަމަށާއި މާލޭގެ މީހުންނަށް 14،000 ގޯއްޗާއި 40،000 ފްލެޓް ދެވޭނެކަމަށް މުއިއްޒު ވިދާޅުވިއެވެ.

މި ހިސާބުތަކަށް ރައްދު ދެއްވަމުން މިނިސްޓަރު އަސްލަމް ވިދާޅުވީ، ވީ މިސަރުކާރުން ކަންކަން އިއުލާންކުރާއިރު އެއީ ޕްރެކްޓިކަލީ ވާނެކަމެއްތޯ ރަނގަޅަށް ބަލާ ދިރާސާކުރާ ކަމަށެވެ. އަދި ކަމެއް އިއުލާން ކުރަނީ ދިރާސާތައް ކުރުމަށް ފަހު ކަމަށް ވިދާޅުވިއެވެ.

އަދި އާންމު އުސޫލުން މީހުން ދިރިއުޅޭ ބައިގެ ގޮތުގައި ހަމަޖައްސަނީ ބިމުގެ 35 އިންސައްތަކަމަށް އަސްލަމް ވިދާޅުވެ، ވިދާޅުވީ، މުއިއްޒު ހިސާބު ޖައްސަވައިފައި ވަނީ އެއްވެސް ހުސްތަންކޮޅެއް ނުބާއްވާ ގޯތި ދިނުމަށް ކަމަށެވެ.

މިހުރިހާ ކަމަކީ ވެސް ޕްލޭންކޮށްފައި، ހިސާބު ޖަހައިފައި، ބިމެއް ހިއްކާފައި، އެބިމުގެ ތެރެއިން މީހުން އާބާދުކުރާ ކަމަށްވާ ނަމަ އާންމު އުސޫލުން ބިމުގެ 35 އިންސައްތަ ދިރިއުޅޭ ބިމުގެ ގޮތުގައި ކަނޑައެޅޭނިީ. ބައެއް މިސާލުތައް ޖަހާނަން 11 ޕަސެންޓް ދާނެ މަދުވެގެން މަގުތަކަށް. ޕަބްލިކް ސްޕޭސް ހުންނަންޖެހޭނެ. ކޮމަރޝަލް ސްޕޭސް ހުންނަން ޖެހޭނެ. މިހެން ހުރޭ ޕްލޭނެއްގެ ތެރެއިން ކަނޑައެޅިފައި ހުންނަ ކަންތައްތަކެއް.

އަސްލަމް ވިދާޅުވީ މުއިއްޒު ހަތް އަހަރު ދުވަސްވަންދެން ހައުސިންގ މިނިސްޓަރުކަމުގައި, ހުރިހާ ބާރަކާ އެކު ހުންނެވިއިރު ގޯތީގެ ވާހަކަ ނުދައްކަވާ ކަމަށެވެ. މީގެކުރިން ވެސް ގޯތިދީފައި ވަނީ އެމްޑީޕީގެ ސަރުކާރުން ކަމަށާއި ދެން ވެސް ގޯތިދޭނީ އެމްޑީޕީ ސަރުކާރުންކަމަށް އަސްލަމް ވިދާޅުވިއެވެ.

އެކަމަކު ތަކުރާރުކޮށް މިދަންނަވަނީ ފެންނަން އޮތް ހަގީގަތަކީ އެމްޑީޕީގެ ސަރުކާރެއްގައޭ ކުރިން ވެސް މާލޭގެ ރައްޔިތުން ގޯތިދިނީ، ދެން ވެސް މާލޭ ރައްޔިތުންނަށް ގޯތިދޭނީ