ރާޝިދު މެމްބަރުކަމުގެ ހުވާ ކުރައްވައިފި

ރައްޔިތުންގެ މަޖިލީހުގެ ކޮމަންޑޫ ދާއިރާގެ މެންބަރުކަމަށް ހޮވިވަޑައިގެންނެވި މުހައްމަދު ރާޝިދު، މެމްބަރުކަމުގެ ހުވާ ކުރައްވައިފިއެވެ.

Ads by STELCO

މިއަދު ހެނދުނު ރައްޔިތުންގެ މަޖިލީހުގެ އިދާރާގައި ބޭއްވި ރަސްމިއްޔާތެއްގައި މެންބަރުކަމުގެ ހުވައި ލައިދެއްވީ ސުޕްރީމް ކޯޓްގެ ފަނޑިޔާރު ހުސްނުއްސުއޫދުއެވެ.

ހުވާ ކުރެއްވުމަށް ފަހު ރާޝިދު ވަނީ އިގްރާރުގައި ސޮއިކުރައްވައިފައެވެ. މި ރަސްމިއްޔާތުގައި މަޖިލީހުގެ ރައީސް މުހައްމަދު ނަޝީދު ވެސް ބައިވެރިވެވަޑައިގެންނެވިއެވެ.

މިދިޔަ ހޮނިހިރު ދުވަހު ބޭއްވި ކޮމަންޑޫ ދާއިރާގެ ބައި-އިލެކްޝަން ރާޝިދު ކާމިޔާބު ކުރެއްވީ 1401 ވޯޓް ހޯއްދަވައިގެންނެވެ. އޭނާއާ އެންމެ ގާތުން ވާދަ ކުރެއްވި ޕީޕީއެމްގެ ކެނޑިޑޭޓް، މޫސާ ފަތުހީ އާދަމްއަށް ލިބިވަޑައިގަތީ 1161 ވޯޓެވެ.