މަޖިލީހުގެ ތިން ކޮމެޓީއަކަށް ރާޝިދު
ރައްޔިތުންގެ މަޖިލީހުގެ ބައެއް ކޮމެޓީތަކަށް ބަދަލު ގެނެސް، ތިން ކޮމެޓީއަކަށް ކޮމަންޑޫ ދާއިރާއަށް އަލަށް އިންތިހާބުވި މެމްބަރު ، މުހައްމަދު ރާޝިދު (ރާޑޯ) ހަމަޖައްސައިފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާ ފައްޓަވައި ދެއްވަމުން، މަޖިލީހުގެ ރައީސް މުހައްމަދު ނަޝީދު ވިދާޅުވީ ރައްޔިތުންގެ މަޖިލީހުގެ ގަވާއިދުގެ 131ވަނަ މާއްދާގެ (ށ)ގެ ދަށުން، ބައެއް ކޮމިޓީތަކަށް ބަދަލު ގެނެސްފައިވާ ކަމަށެވެ.
އެގޮތުން މާލިއްޔަތު ކޮމެޓީއަށް އެމްޑީޕީގެ ފަރާތުން، ފުވައްމުލަކު ދެކުނު ދާއިރާގެ މެމްބަރު މުހައްމަދު މުމްތާޒު ހަމަޖައްސައިފައިވާއިރު، އާންމު ކޮމެޓީގައި އެމްޑީޕީގެ ފަރާތުން ހިމެނިވަޑައިގަންނަވާ މެމްބަރު މުމްތާޒުގެ ބަދަލުގައި އެ ކޮމިޓީއަށް ރާޝިދު ވަނީ ހަމަޖައްސަވައިފައެވެ.
ލާމަރުކަޒީ ކޮމެޓީއަށް އެމްޑީޕީގެ ފަރާތުން ހަމަޖައްސައިފައިވާ، މަޑަވެލި ދާއިރާގެ މެމްބަރު ހުސައިން ފިރުޝާންގެ ބަދަލުގައި އެކޮމިޓީއަށާއި، އިމްތިޔާޒާ ސުލޫކު ކޮމެޓީއަށް ވެސް ރާޝިދު ވަނީ ހަމަޖައްސައިފައެވެ.
މިއަދުގެ ޖަލްސާގައި ރައީސް ނަޝީދު ވިދާޅުވީ ކޮމެޓީތަކަށް ބޭފުޅުން ހަމަޖެއްސުމަށް ނިންމަނީ ޕާޓީތަކުން ނިންމާ ނިންމުންތަކެއްގެ މައްޗަށް ކަމަށާއި، އެމަނިކުފާނު އަރުވާ މަގާމެއް ނޫން ކަމަށެވެ.
Ads by STO
