އޭސީސީއަށް އައްޔަންކުރުމަށް ފޮނުއްވި ނަންތައް، ދިރާސާ ކުރަން ކޮމިޓީއަށް
އެންޓި ކޮރަޕްޝަން ކޮމިޝަން( އޭސީސީ)ގެ މެންބަރުކަމަށް އައްޔަން ކުރެއްވުމަށް ރައީސް އިބްރާހީމް މުޙައްމަދު ޞާލިހު، ރައްޔިތުންގެ މަޖިލީހަށް ފޮނުއްވެވި ނަންތައް ދިރާސާކުރަން މަޖިލީހުގެ މިނިވަން މުވައްސަސާތަކާ ބެހޭ ކޮމިޓީއަށް މިއަދު ފޮނުވައިފިއެވެ.
Ads by Hajj Corporation
އޭސީސީގެ މެމްބަރުކަމަށް ކުރިމަތިލެއްވި ބޭފުޅުންގެ ތެރެއިން، ރައީސް ނަން ފޮނުއްވެވި ފަސް ބޭފުޅުންނަކީ:
- އާދަމް ޝާމިލް- ތ.ވިލުފުށި/ ރަތްވިލާގެ
- އަބްދުއްސަލާމް- ށ.ނަރުދޫ/ހަވާ
- ޠާހާ މުޙައްމަދު- އދ.މާމިގިލި/ ކަޅިހާރުގެ
- ޝަޒްނާ ހާޝިމް- ހދ.ނޮޅިވަރަމްފަރު/ރިހިވިލު
- ޝިޔާމާ މުޙައްމަދު- ރ.ހުޅުދުއްފާރު/ ނާރެސް
އޭސީސީގެ ކުރީގެ މެމްބަރުން ކޮމިޝަނުން ވަކިކުރަން މަސައްކަތް ފެށީ އޮޑިޓް އޮފީހުން ހެދި، އެ ކޮމިޝަނުގެ މަސައްކަތާ ގުޅޭ ޕާފޯމަންސް އޮޑިޓް ރިޕޯޓަށް ބެލުމަށްފަހުގައެެވެ.
އޭސީސީގެ މެމްބަރުން ވަކި ކުރުމުގެ މަސައްކަތް ކުރެވެމުން ދަނިކޮށް، އެމެމްބަރުން ވަނީ މަގާމުން އިސްތިއުފާ ދެއްވައިފައެވެ. އެއާ އެކު، މިހާރު އެ ކޮމިޝަން އޮތީ ޤާނޫނީ ހުސްކަމެއްގެ ތެރޭގައެވެ.
Ads by HDC
