އެމްޑީޕީގެ ތެރޭގައި އަނިޔާވެރިކަން އިންތިހާއަށް އެބައޮތް: އާދަމް ޝަރީފް
މޯލްޑިވިއަން ޑިމޮކްރެޓިކް ޕާޓީ(އެމްޑީޕީ)ގެ ތެރޭގައި އިންސާފެއް ނެތް ކަމަށާއި، އެ ޕާޓީގެ ތެރޭގައި އަނިޔާވެރިކަން އިންތިހާއަށް އޮތް ކަަމަށް، އާންމު މެމްބަރުން ގަބޫލު ކުރާ ކަމަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފު އުމަރު ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަ ދައްކަވަމުން އާދަމް ޝަރީފު ވިދާޅުވީ އެމްޑީޕީގެ އެތެރޭގެ އިންތިޚާބާ ގުޅުވައިގެން، ބައެއް ފަރާތްތައް ވަޒީފާއިން ވަކި ކުރަމުންދާކަމުގެ އަޑުތައް ވެސް ފެތުރެމުން އަންނަ ކަމަށެވެ.
އާދަމް ޝަރީފު ވިދާޅުވި ގޮތުގައި، އިންސާފު ގާއިމުކޮށް، އިންސާފުވެރިކަމާއެކުގައި ކަމެއް ކުރެވޭނީ ވެރީން އިޚްލާސްތެރި ވެގެންނެވެ.
"ކޯޓުތަކުގެ ޤާނޫނަށް އިސްލާހު ގެންނަން ހުށަހެޅިދާނެ. އެކަމަކު ކަނޑައެޅިގެން އެެއާ ޚިލާފަށް، އެމްޑީޕީގެ ތެރެއިން މިކަން ކޮށްފައި، ސަރުކާރުގެ ތެރެއިން މިކަން ކޮށްފައި، ދެން ކޮން ވާހަކައެއްތޯ، އިއްޒަތްތެރި ރައީސް މި ދައްކަވަނީ؟" އޭނާ ވިދާޅުވިއެވެ.
އާދަމް ޝަރީފުގެ ވާހަކައިގައި، ސަރުކާރުން މަސައްކަތް ކުރަނީ ހުރިހާ ބާރެއް އެއްތަނަކަށް ޖަމާކޮށްގެން، ވަކި ގޮތަކަށް ގައުމުގެ ކަންކަން ބައްޓަން ކުރުމަށް ކަމަށް ވެސް ތުހުމަތު ކުރެއްވިއެވެ. މިކަން މިމަގުން ހިނގާހައި ދުވަހެއްގައި އިންސާފު ގާއިމު ނުކުރެވޭނެ ކަމަށް ވެސް އޭނާ ވަނީ ވިދާޅުވެފައެވެ.
ކަލޭ ގެ ތިވާ ހަކަ ޔާމީން އެކަހެރި ކޮއްގެން ކިޔާދީ. ދަތްދޮޅި ދުއްވާލަން އެހެން މީހުންނައް އަމުރު ކުރާ އަންދުޅާ މީހުން ދައްކާވާހަކަ އަޑު އަހާނެ މީހަކު ނެތް.