އަންނަ މަހުން ފެށިގެން މިފްކޯ ހިނގާނީ މިނިވަންކޮށް!
ސަރުކާރުގެ މަސް ކުންފުނި ކަމަށްވާ މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އަންނަ މަހުން ފެށިގެން މިނިވަން ކުންފުންޏެއްގެ ގޮތުގައި ހިންގަން ފެށޭނެ ކަމަށް އެ ކުންފުނީގެ މެނޭޖިންގ ޑިރެކްޓަރ އިސްމާޢީލް ފައުޒީ ވިދާޅުވެއްޖެއެވެ.
އިސްމާއިލް ފައުޒީ ވިދާޅުވީ، އެސްޓީއޯގެ ދަށުން ހިންގަމުން ގެންދިޔަ މިފްކޯ މިނިވަން ކުންފުންޏެއްގެ ގޮތުގައި ބަދަލު ކުރުމުގެ ގޮތުން ލިޔެކިޔުންތަކުގެ މަސައްކަތް ކުރަމުންދާ ކަމަށާއި އަންނަ މަހު މި ބަދަލު އަންނާނެ ކަމަށެވެ.
"މިހާރު ކުރަނީ ޕޭޕަރު ވޯކްސްގެ މަސައްކަތް. އުންމީދު ކުރަނީ އަންނަ މަހުން ފެށިގެން ވަކިން ބޯޑެއް އޮންނަ ކުންފުންޏަކަށް ބަދަލުވާނެ ކަމަށް" ފައުޒީ ވިދާޅުވިއެވެ.
މި ބަދަލު ގެނައުމާ ގުޅޭގޮތުން މީގެ ކުރިން މިފްކޯގެ މެނޭޖިންގ ޑިރެކްޓަރ "ދެންއަށް މައުލޫމާތު ދެއްވަމުން ވިދާޅުވީ މަސްވެރިކަން ދަށްކޮށް ދިޔަ ދުވަސްތަކުގައި މަސްވެރިންނަށް އެހީވާން ވެސް ލޯނު ނެގި ކަމަށާއި މިފްކޯގައި ދަރަނި އެބައޮތް ކަމަށެވެ. އެހެންކަމުން އެ ދަރަނި ރީސްޓަރްޗަރ ކުރުމަށް ވެސް މި ބަދަލާ އެކު ފަސޭހަ ވެގެން ދާނެ ކަމަށް ފައުޒީ ވިދާޅުވިއެވެ.
އެސްޓީއޯގެ ދަށަށް މިފްކޯ ގެންދިޔައީ އެ ކުންފުނީގެ ދަރަނި ބޮޑުވުމުން، ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްގެ ވެރިކަމުގައެވެ.
Ads by STO
