ރާއްޖޭގައި ބާއްވާ އެންމެ ބޮޑު އޭވިއޭޝަން އެކްސަސައިޒް މިމަހު
ދިވެހިރާއްޖޭގައި މިހައިތަނަށް އޭވިއޭޝަން ދާއިރާއިން ބާއްވާ އެއަރޕޯޓްގެ އެންމެ ބޮޑު އިމަރޖެންސީ އެކްސަސައިޒް މިމަހުގެ 16ވަނަ ދުވަހު ބޭއްވުމަށް ނިންމައިފިއެވެ.
އެމްއޭސީއެލްގެ މީޑިއާ އޮފިޝަލަކު ވިދާޅުވީ މި އިވެންޓަކީ އެއަރޕޯޓްގެ ހުރިހާ ދާއިރާއެއްގައި މަސައްކަތްކުރާ ފަރާތްތަކަށް ސަލާމަތީ ކަންކަމާ ގުޅިގެން ތައްޔާރުވުމަށް ޓަކައި ކުރިއަށް ގެންދެވޭ ޚާއްސަ އެކްސަސައިޒެއް ކަމަށެވެ.
މި އިވެންޓް ކުރިއަށް ދާނީ މިމަހުގެ 16ވާ ބުދަ ދުވަހުގެ ހަވީރު 16:00އިން ފެށިގެން ރޭގަނޑު 20:00އާ ހަމައަށެވެ.
މި އެކްސަސައިޒްއަކީ މޯލްޑިވްސް އެއަރޕޯޓްސް ކޮމްޕެނީ ލިމިޓެޑްއާއި ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީއާ ގުޅިގެން ކުރިއަށްގެންދާ އެކްސަސައިޒެކެވެ.
ވޮލަންޓިއަރުންގެ ގޮތުގައި މި އެކްސަސަައިޒްގައި ބައިވެރިވާ ފަރާތްތަކުގެ ތެރޭގައި މޯލްޑިވްސް ގާލް ގައިޑް، ސްކައުޓް އަދި ކެޑޭޓް ފަދަ އެސޯސިއޭޝަންތައް ހިމެނެއެވެ. މީގެ އިތުރުން އައިޖީއެމްއެޗް، އޭޑީކޭ، ސެނެހިޔާ އަދި ޓްރީ ޓޮޕްގެ އިތުރުން ހުޅުމާލެ ހޮސްޕިޓަލުން ވެސް ބައިވެރިވާނެއެވެ.
އެ ހަރަކާތަށް ތައްޔާރުވުމުގެ ގޮތުން އެމްއޭސީއެލް އިއްޔެ ވަނީ އިންޓަރ އެޖެންސީ ޓޭބަލް ޓޮޕް ހަރަކާތެއް ކުރިއަށް ގެންގޮސްފައެވެ.
