މަޖިލީހުގެ ޖަލްސާތައް ރޯދަމަހު ކުރިއަށްދާނެ ގަޑިތައް ހާމަކޮށްފި
ކުރިއަށް އޮތް ރޯދަ މަހުގައި، ރައްޔިތުންގެ މަޖިލީހުގެ ޖަލްސާތައް އޮންނާނީ ހެނދުނު 10:30އިން ފެށިގެން މެންދުރުފަހު 2:00އަށް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިއަދުގެ ޖަލްސާގައި ވާހަަކަފުޅު ދައްކަަވަމުން ރައީސް ނަޝީދު ވިދާޅުވީ ރޯދަ މަހު މަޖިލީހުގެ ޖަލްސާތަކުގެ ފުރަތަމަ ދަންފަޅި ކުރިއަށްދާނީ ހެނދުނު 10:30އިން މެންދުރު 12:00އަށް ކަމަށެވެ.
އެއްގަޑިއިރުގެ މެދުކެނޑުމަކަށް ފަހުގައި، ދެވަނަ ދަންފަޅި އޮންނާނީ، މެންދުރު ފަހު 1:00އިން 2:00އަށް ކަމަށް ވެސް އެމަނިކުފާނު ވިދާޅުވިއެވެ.
މަޖިލިސް ރައީސް ވިދާޅުވީ މަޖިލީހުގައި ގާއިމްކުރެވިފައިވާ ނަމާދުކުރާ ތަން ރޯދައަށް އިިތުރު ބަދަލުތަކާ އެކު ތައްޔާރު ކުރެވިފައިވާ ކަމަށެވެ.
"ނަމަވެސް މަޖިލީހުގެ 87 މެމްބަރުން އެއްފަހަރާ ވަޑައިގެންފި ނަމަ، މައްސަލަ ދިމާވާނެ." ނަޝީދު ވިދާޅުވިއެވެ.
ނަޝީދު ވިދާޅުވީ މިއަދުގެ ޖަލްސާއަކީ ރޯދަ މަހުގެ ކުރިން ބާއްވާނެ ފަހު ޖަލްސާ ކަަމަށެވެ.
Ads by STO
