މާލޭގެ ހުރިހާ ސްޕީޑް ބްރޭކަރުތަކުގެ ދަވާދު އައުކޮށްފި
މާލެ ސިޓީގެ ހުރިހާ މަގުތަކެއްގައި ހުރި ސްޕީޑްބްރޭކަރުތަކެއްގައި ދަވާދު އައުކޮށް ނިންމައިފިއެވެ.
ސިޓީ ކައުންސިލްގެ އާއްމު ޚިދުމަތްތަކާ ބެހޭ މަސައްކަތްތަކާ ހަވާލުވެ ހުންނެވި ކައުންސިލަރު އާދަމް ރަމީޒް ވިދާޅުވީ މާލެ ސިޓީގެ މަގުތަކުގައި ހުރި ހުރިހައި ސްޕީޑް ބްރޭކަރުތަކުގައި ދަވާދު އައުކުރުމުގެ މަސައްކަތް ނިމިފައިވާ ކަމަށެވެ.
ރަމީޒް ވިދާޅުވީ އަލަށް ހެދުނު ބްރޭކަރާއެކު ޖުމްލަ 323 ސްޕީޑް ބްރޭކަރުގެ ދަވާދު އައުކޮށްފައިވާ ކަމަށެވެ. އަދި މިއަދާ ހަމައަށް މުޅިން އަލަށް 103 ރޭމްޕް ހަދައި ނިންމައިފައިވާ ކަމަށް ވެސް ރަމީޒް ވިދާޅުވިއެވެ.
ރަމީޒް އިތުރަށް ވިދާޅުވީ މި މަސައްކަތަކީ ބުރަ ބޮޑު މަސައްކަތެއް ކަމަށާއި މުވައްޒަފުންގެ ހިތްވަރާ އެކު ރޯދައިގެ ކުރިން މިކަން ނިންމައިލެވުމަކީ ވަރަށްބޮޑު ހިތްހަމަ ޖެހުމެއް ކަމަށެވެ.
ސިޓީ ކައުންސިލުން ދަނީ ޚާއްސަ އެހީއަށް ބޭނުންވާ ފަރާތްތަކަށް ރޭމްޕް ހެދުމުގެ މަސައްކަތްތައް ވެސް ކުރަމުންނެވެ.
ސިޓީކައުންސިލުން ކުރަންވީ ތިޔަ ކަހަލަ ކަންތަކެވެ. ބިންތައް ހޯދައިގެން އެތަންތަން ވިއްކާ، ބަހާ، ކުއްޔަށް ނުދެވިގެން ކޯރޓަށްގޮސް ތިޔަ އުޅެނީ އެހެން ކަމަކުއެވެ. އެކަހަލަ ކަންތަކާއި ކުނަފުނިހަދައިގެން ވިޔަފާރިކުރުން އެކަންކަމާއި ބެހޭ ވުޒާރާތަކަށް ބަހައްޓާށެވެ.
ނަސީބެެއްނު އިތުރުމީހެެއްގެ ފުރާނަ ނުދަނީސް ތިކަން ކުރެވުނުކަން