އަމިއްލަ ފަރާތެއްގެ ހިލޭ އެހީއާ އެކު މާފަންނުގައި އިމާރާތްކުރި އައު މިސްކިތް ހުޅުވައިފި
އަމިއްލަ ފަރާތެއްގެ ދީލަތި ހިލޭ އެހީއާ އެކު މާފަންނުުގައި އިމާރާތްކުރި އައު މިސްކިތް ހުޅުވައިފިއެވެ.
އިސްލާމިކް މިނިސްޓްރީން ވިދާޅުވީ އެތަނުގައި ކުރިން ހުރި މިސްކިތުގެ ބަދަލުގައި އަލަށް އިމާރާތްކުރި މި މިސްކިތުގައި 1000 މީހުންނަށް އެއްފަހަރާ ނަމާދުކުރެވޭނެ ކަމަށެވެ.
އަލަށް ހުޅުވި އެ މިސްކިތުގައި އަންހެނުންނަށް ނަމާދުކުރެވޭނެ އިންތިޒާމު ވެސް ވަނީ ހަމަޖެހިފައެވެ.
ދެ ފަންގިފިލާއަށް އިމާރާތް ކޮށްފައިވާ މި މިސްކިތުގެ ނަމާދުކުރާ ބައިގެ ބޮޑުމިނުގައި 6000 އަކަފޫޓު އަދި ހަރިންމައިގެ ބޮޑުމިނުގައި 5687 އަކަފޫޓު ހުރެއެވެ. މި މިސްކިތް އިމާރާތްކުރަން ފަށައިފައި ވަނީ 2019ވަނަ އަހަރުގެ އޮގަސްޓް މަހުގެ 29ވަނަ ދުވަހުއެވެ. އަދި މި މިސްކިތް ހުޅުވައިފައި ވަނީ އިއްޔެއެވެ.
އެ މިސްކިތް އިމާރާތް ކުރީ އަމިއްލަ ފަރާތެއްގެ ހިލޭ އެހީގެ ދަށުން ކަމުގައި ވި ނަމަވެސް އެ ފަރާތުގެ އެދުމުގެ މަތީން އިސްލާމިކް މިނިސްޓްރީން އެ މީހާގެ މައުލޫމާތެއް ހާމަކޮށްފައެއް ނުވެއެވެ.
މިއީ، މާފަންނުގެ ކޮންހިސާބެއްގައި ހުޅުވުނު މިސްކިތެއްކަމެއް އެގޭކަށް ނެތް